کراچی:
شہرِ قائد میں جرائم پیشہ عناصر کے خلاف کارروائیاں جاری ہیں، جہاں شاہراہِ فیصل پولیس نے ناتھاخان پل کے نیچے مبینہ مقابلے کے دوران ایک ڈاکو کو زخمی حالت میں گرفتار کر لیا۔
پولیس کے مطابق ملزم کو فوری طور پر طبی امداد کے لیے جناح منتقل کیا گیا، جہاں اس کی شناخت ارشد کے نام سے کی گئی ہے۔
حکام کا کہنا ہے کہ ملزم کے قبضے سے اسلحہ اور دیگر سامان بھی برآمد کر لیا گیا ہے، جبکہ مزید تفتیش جاری ہے۔
