حکومت اور تحریک انصاف صدارتی آرڈیننس کے ذریعے جوڈیشل کمیشن کے قیام پر متفق

تحریک انصاف نے حکومت کو طریقہ کار کے حوالے سے ترمیم شدہ مسودہ بھی ارسال کر دیا

Monitoring Desk September 30, 2014

تحریک انصاف نے حکومت کو طریقہ کار کے حوالے سے ترمیم شدہ مسودہ بھی ارسال کر دیا فوٹو: فائل

حکومت اور تحریک انصاف نے صدارتی آرڈیننس کے ذریعے جوڈیشل کمیشن کے قیام پر اتفاق کرلیا، تحریک انصاف نے حکومت کو جوڈیشل کمیشن کے قیام کے طریقہ کار کے حوالے سے ترمیم شدہ مسودہ بھی ارسال کر دیا۔

پی ٹی آئی دھاندلی کی تحقیقات 45 روز میں کیے جانے پر بھی آمادہ ہو گئی ہے جبکہ اس نے پہلے تحقیقات 30 دن میں کرانے کا مطالبہ کیا تھا، تحریک انصاف نے جوڈیشل کمیشن کے قیام کے طریقہ کار کے متعلق ترمیم شدہ مسودہ بھی حکومت کو ارسال کر دیا ہے جس میں (ن) لیگ کی سفارشات کا جواب دیا گیا ہے، مسودے میں کہا گیا ہے کہ تحریک انصاف دھاندلی کی تحقیقات سے متعلق حلقوں کی فہرست جوڈیشل کمیشن کو دے گی ۔

تاہم تحقیقات کیلیے حلقوں کا انتخاب جوڈیشل کمیشن کریگا، تحریک انصاف کی جانب سے جو تجاویز دی گئی ہیں، ان میں تحقیقات میں نادرا کی انگوٹھوں کی تصدیق سے متعلق رپورٹ شامل کرنے، انتخابات میں میٹریل کی کمی، پولنگ ریکارڈ کے غائب ہونے، عوامی نمائندگی ایکٹ 1976 اور 1977 کی خلاف وزری کی تحقیقات کرانا بھی شامل ہے۔