گورنرپنجاب چوہدری سرورنے گورنرہاؤس خالی کرکے ڈیفنس میں کرائے پرگھرلے لیا

چوہدری محمدسرور کی طرف سے نجی رہائش گاہ لینے کافیصلہ ان کی آئندہ سیاست کے حوالے سے بڑی اہمیت کاحامل ہے۔

INP October 11, 2014

گورنر پنجاب ایک طرف حکومت کے احسان کابوجھ ہلکاکرنے کااشارہ دیں گے اور دوسری طرف مستقبل میں پاکستان اورپنجاب میں بھرپور سیاست کابھی عندیہ دیں گے۔ فوٹو؛فائل

گورنرپنجاب چوہدری محمدسرور نے گورنرہاؤس خالی کرکے ڈیفنس کے علاقے میں کرائے پرگھر لے لیاہے۔

باوثوق ذرائع کے مطابق گورنرپنجاب نے نجی رہائش گاہ میں منتقل ہونے کافیصلہ کرلیا جب کہ وہ گورنرہاؤس کوصرف اپنے آفس کے طورپر استعمال کریں گے۔ چوہدری محمدسرور کی طرف سے نجی رہائش گاہ لینے کافیصلہ ان کی آئندہ سیاست کے حوالے سے بڑی اہمیت کاحامل ہے۔ اس اقدام سے ایک طرف وہ نہ صرف خود سے حکومت کے احسان کابوجھ ہلکاکرنے کااشارہ دیں گے بلکہ مستقبل میں پاکستان اورپنجاب میں بھرپور سیاست کابھی عندیہ دیں گے۔

واضح رہے کہ چند رور قبل ایکسپریس کو اپنے ایک انٹرویو میں چوہدری سرور نے کہا تھا کہ وہ خود بھی اس عہدے سے مطمئن نہیں ہیں اور سمجھتے ہیں کہ اس عہدے پر منجمد سے ہو کر رہ گئے ہیں۔