تالا توڑ گروپ نے ایم اے جناح روڈ کی درجنوں دکانیں لوٹ لیں

تالا توڑ گروپ چوکیداروں کو اسلحے کے زور پر بے بس کرکے منظم انداز میں لوٹ مارکررہے ہیں، عتیق میر

Business Reporter October 14, 2014

رات کو پولیس حفاظت کے بجائے لوٹ مار میں مصروف ہوتی ہے،عتیق میر۔ فوٹو: ایکسپریس/فائل

چھوٹے تاجروں نے ایم اے جناح روڈ پر واقع مارکیٹوں میں رات کے اوقات میں چوری اور لوٹ مار کی بڑھتی ہوئی وارداتوں پر تشویش کا اظہار کرتے ہوئے کہا ہے کہ شہر میں ''تالا توڑ'' گروپ سرگرمِ عمل ہوگیا ہے جو ایم اے جناح روڈ کی درجنوں دکانوں اورگوداموں سے لاکھوں روپے کا قیمتی سامان اور نقد رقوم چوری کرچکا ہے۔

آل کراچی تاجر اتحاد کے چیئرمین عتیق میر نے بتایا کہ تالا توڑ گروپ تالوں کی ڈپلی کیٹ چابیاں بنوانے اور چوکیداروں کو اسلحے کے زور پر بے بس کرکے منظم انداز میں لوٹ مارکررہے ہیں، اب تک دکانوں اور گوداموں سے لاکھوں روپے کا کپڑا، آٹو پارٹس، فرنیچر، ریڈی میڈگارمنٹس،کاسمیٹکس، گھڑیاں اور دیگر سامان چوری کیا جاچکا ہے، رات کے وقت پولیس اہلکار حفاظت کے بجائے ناکہ لگاکر لوٹ مار میں مصروف ہوجاتے ہیں جس کا فائدہ اٹھاکر نقب زن مارکیٹوں میں چوریاں کرتے ہیں، تالا توڑ گروپ علاقہ آرام باغ، عیدگاہ، پریڈی اور رسالہ کی حدود میں آنیوالی مارکیٹوں میں چوریاں کررہا ہے۔

انھوں نے سیکیورٹی اداروں کے ذمے داران سے مطالبہ کیا کہ رات کے اوقات میں ڈیوٹیوں پر تعینات پولیس اہلکاروں پر کڑی نگاہ رکھی جائے اور جرائم میں ملوث اہلکاروں کو کڑی سزادی جائے، انھوں نے مزید کہا کہ اعلیٰ افسران کی توجہ بار بار اس جانب مبذول کروانے کے باوجود محکمے میں موجود کالی بھیڑوں کے خلاف کوئی موثر کارروائی نہیں کی گئی، جرائم پیشہ افرادپولیس افسران و اہلکاروں پر حملہ کر رہے ہیں، حکومت تھانوں میں تربیت یافتہ اور ذمے دار افسران و اہلکاروں کی تقرری یقینی بنانے کے علاوہ رات کے وقت فرائض انجام دینے والے اہلکاروں کی کارکردگی کو چیک کرے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

تالا توڑ گروپ نے ایم اے جناح روڈ کی درجنوں دکانیں لوٹ لیں

انٹرٹینمنٹ

سیف علی خان پر حملہ کرنے والے کی سی سی ٹی وی فوٹیج سامنے آگئی

زخمی سیف کو کاریں ہوتے ہوئے رکشے میں اسپتال کیوں لایا گیا؟ وجہ سامنے آگئی

گلوکار جواد احمد بیوی کی وجہ سے بڑی مشکل میں پھنس گئے، مقدمہ درج

رائے

20 جنوری کے بعد

خدائی طاقت کے سامنے بے بس سپر طاقت

ایک چہرے پر…

متعلقہ

تازہ ترین

تالا توڑ گروپ نے ایم اے جناح روڈ کی درجنوں دکانیں لوٹ لیں

ہمارے ساتھ شامل ہوں

مقبول خبریں

انٹرٹینمنٹ

سیف علی خان پر حملہ کرنے والے کی سی سی ٹی وی فوٹیج سامنے آگئی

زخمی سیف کو کاریں ہوتے ہوئے رکشے میں اسپتال کیوں لایا گیا؟ وجہ سامنے آگئی

گلوکار جواد احمد بیوی کی وجہ سے بڑی مشکل میں پھنس گئے، مقدمہ درج

رائے

20 جنوری کے بعد

خدائی طاقت کے سامنے بے بس سپر طاقت

ایک چہرے پر…

متعلقہ

تازہ ترین