ترسیلات زر میں 195 فیصد اضافہ سمندر پار پاکستانیوں نے پہلی سہ ماہی میں 469 ارب ڈالر بھجوائے

جولائی تا ستمبر یو اے ای 31.5، سعودیہ 22، امریکا 11، برطانیہ4.6، جی سی سی 22 اوریورپی یونین سے2 فیصد زائد رقوم کی آمد

Business Reporter October 16, 2014

ستمبر میں ریکارڈ 1.71 ارب ڈالر کی ترسیلات۔ فوٹو: فائل

KARACHI: بیرون ملک مقیم پاکستانیوں نے رواں مالی سال کی پہلی سہ ماہی (جولائی تا ستمبر) کے دوران 4 ارب 69 کروڑ 46 لاکھ 90 ہزار ڈالر کی رقم وطن بھجوائی جو گزشتہ مالی سال کے اسی عرصے میں بھجوائی گئی رقم 3 ارب 92 کروڑ 79 لاکھ 40 ہزار ڈالر کے مقابلے میں 19.52 فیصد زیادہ ہے۔

اسٹیٹ بینک آف پاکستان سے جاری اعدادوشمار کے مطابق ستمبر میں بیرون ملک مقیم پاکستانیوں نے 1ارب71کروڑ 65لاکھ 90ہزار ڈالر کی ریکارڈ رقم وطن بھیجی۔ اعدادوشمار کے مطابق جولائی سے ستمبر تک سعودی عرب سے 21.77 فیصد کے اضافے سے 1ارب 34کروڑ 70لاکھ ڈالر، متحدہ عرب امارات سے 31.54 فیصد بڑھ کر1ارب 3کروڑ 18 لاکھ90ہزار ڈالر، امریکا سے 10.77 فیصد کے اضافے سے 69کروڑ 20لاکھ 80ہزار ڈالر، برطانیہ سے4.67 فیصد بڑھ کر 63کروڑ 90لاکھ 50ہزار ڈالر، خلیج تعاون کونسل کے ملکوں (بشمول بحرین، کویت، قطر اور عمان) 21.89 فیصد کے اضافے سے 54کروڑ 50 لاکھ 40ہزار ڈالر جبکہ یورپی یونین کے ملکوں سے2.12 فیصد کے اضافے سے 11کروڑ 15لاکھ 10ہزار ڈالر کی ترسیلات زر وطن بھیجی گئیں۔

اعدادوشمار کے مطابق گزشتہ ماہ سعودی عرب سے ترسیلات زر کی آمد سال بہ سال 37کروڑ 35لاکھ 80 ہزار ڈالر سے بڑھ کر 49کروڑ 56لاکھ 30ہزار ڈالر، متحدہ عرب امارات سے 27کروڑ 60لاکھ 30ہزار ڈالر سے بڑھ کر39کروڑ 41لاکھ، امریکا سے 17کروڑ 38 لاکھ 70 ہزار سے بڑھ کر 23کروڑ 59لاکھ 90ہزار ڈالر، برطانیہ سے 19کروڑ 90ہزار ڈالر سے بڑھ کر21کروڑ 83لاکھ 80 ہزار ڈالر، خلیج تعاون کونسل کے ملکوں (بشمول بحرین، کویت، قطر اور عمان) سے 15 کروڑ 12 لاکھ 40 ہزار ڈالر سے بڑھ کر 21کروڑ 31لاکھ 10 ہزار اور یورپی یونین کے ملکوں سے 3کروڑ 38لاکھ 50 ہزار ڈالر سے بڑھ کر 3کروڑ 40لاکھ 50 ہزار ڈالر پر پہنچ گئیں۔

ستمبر 2014 کے دوران ناروے، سوئٹزر لینڈ، آسٹریلیا، کینیڈا، جاپان اور دیگر ملکوں سے ترسیلات زر کی آمد مجموعی طور پر 12 کروڑ 53 لاکھ 30 ہزار ڈالر رہیں جبکہ ستمبر2013 میں ان ملکوں سے 8 کروڑ 47 لاکھ 50 ہزار ڈالر آئے تھے۔