100 یا 200 کروڑ کمانے نہیں بیٹے کے لیے فلم بناتا ہوںاکشے

بیٹا پاس آکر کہتا ہے اسے فلم سمجھ نہیں آئی یا بیکار لگی تو مجھے اچھا نہیں لگتا، اکشے کمار

Showbiz Desk November 11, 2014

اکشے کا خیال ہے کہ بالی وڈ میں کسی بھی کام کے لیے وقت کا پابند ہونا بہت ضروری ہے۔ فوٹو : فائل

بالی وڈ کے اداکار اکشے کمار اپنے اسٹنٹس سے مسلسل شائقین کو حیران کرتے آئے ہیں۔

دوسرے بڑے اداکاروں کے مقابلے وہ سال میں کئی فلمیں کرتے ہیں لیکن ان کا کہنا ہے کہ وہ ایسی فلمیں نہیں کرنا چاہتے جو 100 یا 200 کروڑ روپے کی کمائی کریں۔ اکشے کہتے ہیں کہ وہ پیسوں کے لیے نہیں بلکہ صرف اپنے بیٹے کے لیے فلمیں کرنا چاہتے ہیں۔ انھوں نے کہا ''میں اچھی فلمیں کرنا چاہتا ہوں' میرا بیٹا میرے پاس آ کر کہتا ہے کہ اسے فلم سمجھ نہیں آئی، اسے فلم بیکار لگی تو مجھے اچھا نہیں لگتا' میں ایسی فلمیں کرنا چاہتا ہوں جو اسے پسند بھی آئیں اور سمجھ بھی''۔

اکشے کی اس سال فلم ''ہالی ڈے'' اور ''اِٹس انٹرٹینمنٹ'' کے بعد گزشتہ ہفتے ''شوقینز'' ریلیز ہوئی ہے اور ''شوقینز '' نے باکس آفس پر 18.5 کروڑ کا بزنس کرلیا ہے۔ اکشے کا خیال ہے کہ بالی وڈ میں کسی بھی کام کے لیے وقت کا پابند ہونا بہت ضروری ہے۔ میری نئی آنیوالی فلم ''بے بی'' ہے۔