حصص مارکیٹ 31303 کی نئی بلند ترین سطح پر پہنچ گئی

انڈیکس میں 22 پوائنٹس کا اضافہ، مارکیٹ سرمایہ مزید 18 ارب67 کروڑ روپے بلند

Business Reporter November 12, 2014

انڈیکس میں 22 پوائنٹس کا اضافہ، مارکیٹ سرمایہ مزید 18 ارب67 کروڑ روپے بلند۔ فوٹو: آن لائن/فائل

MALAKAND: کراچی اسٹاک ایکس چینج میں محدود سرمایہ کاری اور پرافٹ ٹیکنگ کے باعث منگل کو قابل ذکر نوعیت کی تیزی رونما نہ ہو سکی البتہ انڈیکس پہلی بار 31300 پوائنٹس کی حد عبور کرگیا، محدود تیزی کے سبب 50.59 فیصد حصص کی قیمتیں گرگئیں تاہم حصص کی مالیت میں مزید 18 ارب 67 کروڑ76 لاکھ44 ہزار 407 روپے کا اضافہ ہوگیا۔

ماہرین کا کہنا تھا کہ پٹرولیم اور انرجی سیکٹر میں خریداری سرگرمیاں زائد رہیں جبکہ دیگر شعبوں میں محدود سرمایہ کاری وپرافٹ ٹیکنگ کا رحجان غالب رہا جس کی وجہ سے ایک موقع پر50 پوائنٹس کی مندی بھی رونما ہوئی، ٹریڈنگ کے دوران مقامی کمپنیوں، بینکوں ومالیاتی اداروں اور انفرادی سرمایہ کاروں کی جانب سے مجموعی طور پر1 کروڑ2 لاکھ 21 ہزار 219 ڈالر مالیت کے سرمائے کا انخلا کیا گیا جبکہ اس دوران غیر ملکیوں کی جانب سے 43 لاکھ 24 ہزار 826 ڈالر، میوچل فنڈز کی جانب سے 34 لاکھ 52 ہزار332 ڈالر، این بی ایف سیز کی جانب سے 23 لاکھ91 ہزار626 ڈالراور دیگر آرگنائزیشنز کی جانب سے 52 ہزار435 ڈالر مالیت کی تازہ سرمایہ کاری کی گئی۔

تیزی کے باعث کاروبار کے اختتام پر کے ایس ای100 انڈیکس 21.80 پوائنٹس اضافے سے 31303.63 پوائنٹس اور کے ایس ای30 انڈیکس12.20 پوائنٹس اضافے سے 20567.60 پوائنٹس ہوگیا جبکہ اس کے برعکس کے ایم آئی30 انڈیکس 31 پوائنٹس کی کمی سے 50187.98 ہوگیا، کاروباری حجم پیر کی نسبت 32.53 فیصد کم رہا اور مجموعی طور پر22 کروڑ 27 لاکھ35 ہزار900 حصص کے سودے ہوئے جبکہ کاروباری سرگرمیوں کا دائرہ کار419 کمپنیوں کے حصص تک محدود رہا جن میں186 کے بھاؤ میں اضافہ، 212 کے داموں میں کمی اور 21 کی قیمتوں میں استحکام رہا، جن کمپنیوں کے حصص کی قیمتوں میں نمایاں اضافہ ہوا ان میں یونی لیورفوڈز کے بھاؤ 447 روپے بڑھ کر 9397 روپے اور کولگیٹ پامولیو کے بھاؤ 84.21 روپے بڑھ کر 1768.41 روپے ہوگئے ۔