نصرت فتح علیخان کی 64 ویں سالگرہ 13 اکتوبرکو منائی جائے گی

نصرت فتح علیخاں کے فن کی تعریف ملکہ ترنم نورجہاں ، شنہشاہِ غزل مہدی حسن اور لتا منگیشکر جیسے گائیک نے بھی کی۔ فوٹو : فائل

---

عالمی شہرت یافتہ گلوکار وموسیقار استاد نصرت فتح علی خان کی 64 ویں سالگرہ 13 اکتوبرکو منائی جائے گی۔

فن موسیقی کی یہ عظیم ہستی 13 اکتوبر 1948ء کو فیصل آباد میں پیدا ہوئی۔ عالمی سطح پر جتنی شہرت انھیں ملی وہ شاید کسی اور موسیقار یا گلوکار نصیب نہیں ہوئی ۔ بحیثیت قوال 125آڈیو البم ریلیز ہوئے جو ایک ورلڈ ریکارڈ ہے ۔ان البمز میں ''دم مست قلندر مست ''، ''علی مولا علی ' '، ''یہ جو ہلکا ہلکا سرور ہے''، ''میرا پیاگھر آیا''، ''اللہ ہو اللہ ہو''، کینا سوہنا تینوں رب نے بنایا'' سمیت کئی یادگار قوالیاں اور گیت شامل ہیں۔

نصرت فتح علیخاں نے بالی وڈ کی کئی فلموں کی موسیقی ترتیب دینے کے ساتھ آواز کا جادو بھی جگایا جس میں''اور پیار ہوگیا''، ''کچے دھاگے'' اور ''کارتوس'' شامل ہیں۔ نصرت فتح علیخاں کے فن کی تعریف ملکہ ترنم نورجہاں ، شنہشاہِ غزل مہدی حسن اور لتا منگیشکر جیسے گائیک نے بھی کی۔