سونے کی قیمت 350 روپے گھٹ کر 47 ہزار 100 روپے تولہ ہوگئی

فی تولہ چاندی کی قیمت بغیر کسی تبدیلی کے675 اور فی دس گرام چاندی کی قیمت بھی578.75 روپے پر مستحکم رہی ہے۔ فوٹو: فائل

---

بین الاقوامی بلین مارکیٹ میں فی اونس سونے کی قیمت 7 ڈالر کی کمی سے1192 ڈالر کی سطح پر پہنچنے کے باعث مقامی صرافہ مارکیٹوں میں بھی پیر کو فی تولہ اور فی دس گرام سونے کی قیمتوں میں بالترتیب 350 اور 300 روپے کی کمی واقع ہوئی۔

اس کے نتیجے میں کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر47100 اور فی دس گرام سونے کی قیمت گھٹ کر40371 روپے ہوگئی تاہم فی تولہ چاندی کی قیمت بغیر کسی تبدیلی کے675 اور فی دس گرام چاندی کی قیمت بھی578.75 روپے پر مستحکم رہی ہے۔