مالی سال201415 ترسیلات زر ریکارڈ18ارب45کروڑ ڈالر تک پہنچ گئیں

12ماہ میں بیرون ملک مقیم پاکستانیوں نے 2ارب 61کروڑ ڈالر زیادہ وطن بھیجے، فوٹو: اے ایف پی/فائل

---

ISLAMABAD: بیرون ملک مقیم پاکستانیوں نے مالی سال2014-15 (جولائی تا جون) کے دوران ریکارڈ 18ارب 45کروڑ 40لاکھ 40ہزار امریکی ڈالر وطن بھجوائے جس سے مالی سال2013-14 کے اسی عرصے میں بھجوائی گئی رقم 15ارب 83کروڑ 76لاکھ 80ہزار ڈالر کے مقابلے میں 2ارب 61کروڑ63لاکھ 60ہزار یا 16.5فیصد کی متاثر کن نمو ظاہر ہوتی ہے۔

اسٹیٹ بینک آف پاکستان سے جاری پیر کو جاری کردہ اعدادوشمار کے مطابق جون 2015 کے دوران کارکنوں کی ترسیلات زر1ارب 82کروڑ 12 لاکھ 80 ہزار ڈالر رہیں جو مئی 2015 کے مقابلے میں 9.51فیصد زائد ہیں اورجون 2014 کے مقابلے میں 21.5 فیصد بلند ہیں۔ اعدادوشمار کے مطابق بیرون ملک مقیم پاکستانیوں نے جون 2015 میں سعودی عرب سے 53کروڑ 66لاکھ 80 ہزار ڈالر، متحدہ عرب امارات 42کروڑ 32 لاکھ 40 ہزارڈالر، امریکا 25کروڑ 89 لاکھ 40 ہزار ڈالر، برطانیہ 24کروڑ 79لاکھ 60ہزار ڈلر،

خلیج تعاون کونسل کے ملکوں (بشمول بحرین، کویت، قطر اور عمان)20کروڑ 96لاکھ 60 ہزار ڈالر، یورپی یونین کے ملکوں سے 3کروڑ 42 لاکھ 70 ہزار ڈالراور ناروے، سوئٹزر لینڈ، آسٹریلیا، کینیڈا، جاپان اور دیگر ملکوں سے مجموعی طور پر 11کروڑ 5لاکھ 30 ہزار ڈالر وطن بھجوائے جبکہ جون 2014 میں پاکستانی ورکرز نے سعودی عرب سے 47کروڑ 18لاکھ 80 ہزار ، متحدہ عرب امارات سے 29کروڑ 56لاکھ 30 ہزار ڈالر، امریکا سے 22کروڑ 23 لاکھ 40 ہزار ڈالر،برطانیہ20کروڑ 8لاکھ 20 ہزار ڈالر،خلیج تعاون کونسل کے ملکوں (بشمول بحرین، کویت، قطر اور عمان) 16 کروڑ 86لاکھ 20 ہزار ڈالر، یورپی یونین کے ملکوں سے 3کروڑ 74لاکھ 30 ہزار ڈالر اورناروے، سوئٹزر لینڈ، آسٹریلیا، کینیڈا، جاپان اور دیگر ملکوں سے مجموعی طور پر 10 کروڑ 25لاکھ 80ہزار ڈالر وطن بھجوائے تھے۔