جولائی تا نومبر پاکستانیوں نے بیرون ملک سے 8 ارب 10کروڑ ڈالر وطن بھیجے

نومبر میں سب سے زیادہ رقوم سعودی عرب سے48.7 کروڑ،عرب امارات 35 کروڑ،امریکاسے 23کروڑ ڈالرآئے،اسٹیٹ بینک فوٹو: اے ایف پی/فائل

---

بیرون ملک مقیم پاکستانیوں نے رواں مالی سال کے ابتدائی 5 ماہ (جولائی تا نومبر) کے دوران 8 ارب 9 کروڑ 82 لاکھ 50 ہزار ڈالر وطن بھجوائے جو گزشتہ مالی سال کی اسی مدت میں بھجوائے گئے7 ارب 52 کروڑ 81 لاکھ ڈالر سے 7.57 فیصد زیادہ ہیں۔

اسٹیٹ بینک آف پاکستان سے جاری اعدادوشمار کے مطابق نومبر 2015 میں سعودی عرب سے رقوم کی آمد سب سے زیادہ رہیں جو سال بہ سال 42کروڑ 90لاکھ 90 ہزار ڈالر سے بڑھ کر 48 کروڑ 72لاکھ 80ہزار ڈالر ہوگئیں جبکہ متحدہ عرب امارات سے ترسیلات زر 27کروڑ 28لاکھ 70ہزار ڈالر سے بڑھ کر 34 کروڑ 98 لاکھ 30ہزار ڈالر، امریکا سے 18کروڑ 99لاکھ 50 ہزار ڈالر بڑھ کر 23 کروڑ 12لاکھ 80ہزار ڈالر، برطانیہ سے 16 کروڑ 37لاکھ ڈالرسے بڑھ کر 18کروڑ 88لاکھ 80ہزار ڈالر،

خلیج تعاون کونسل کے ملکوں (بشمول بحرین، کویت، قطر اور عمان) سے 15کروڑ 24لاکھ 50 ہزار ڈالر سے بڑھ کر 18کروڑ 94 لاکھ 30ہزار ڈالر، یورپی یونین کے ملکوں سے 2کروڑ 45لاکھ 30 ہزار ڈالر سے بڑھ کر 2کروڑ 94 لاکھ 20 ہزار ڈالر اورناروے، سوئٹزر لینڈ،آسٹریلیا، کینیڈا، جاپان و دیگر ملکوں سے 11کروڑ 11لاکھ 70 ہزار ڈالر سے بڑھ کر 11 کروڑ 56لاکھ 30 ہزار ڈالر ہوگئیں۔