پابندیاں برقرار رہیں تو دنیا کو تیل سپلائی روک دینگے ایران

ایرانی وزیر تیل نے مزید کہا کہ عالمی منڈیوں میں ایرانی تیل کی کمی پوری دنیا میں تیل کی قیمتوں پر اثرانداز ہوتی ہے. فوٹو: فائل

---

ایرانی وزیر تیل رستم قاسمی نے کہا ہے کہ ایرانی تیل کی صنعت اور اس کی برآمد کو محدود کرنے کے لیے دبائو برقرار رکھا گیا تو تہران عالمی مارکیٹس میں تیل سپلائی روک دے گا ۔

ایرانی وزیر تیل نے مزید کہا کہ عالمی منڈیوں میں ایرانی تیل کی کمی پوری دنیا میں تیل کی قیمتوں پر اثرانداز ہوتی ہے اس سے مغرب کی معاشی صنعتوں پر ایک بحران پیدا ہوسکتا ہے۔اس اقدام کا منفی اثر صنعتی ممالک کی عوام پر پڑے گا جو ہمیں پسند نہیں۔ مغرب نے پابندیوں کا سلسلہ جاری رکھا تو ہم دنیا کو تیل کی برآمد کی پالیسی پر نظر ثانی کرسکتے ہیں ۔