افغان جنگ میں امریکا کی کامیابی کا انحصار پاکستان کے تعاون پر ہے لیون پنیٹا

پاکستان سے تعلقات پرنظرثانی کی تجویزپرامریکی وزیردفاع کانیو امریکن سیکیورٹی سینٹرمیںخطاب

---

اوباما انتظامیہ کوایک امریکی تھنک ٹینک کی جانب سے پاکستان کے ساتھ تعلقات پرنظرثانی کی تجویزکے بعد امریکی وزیردفاع لیون پنیٹانے کہاہے کہ افغانستان میںامریکی کامیابی کاانحصارپاکستان کے دہشتگردی کے خاتمے کیلیے عزم اورتعاون پرہے۔

پینٹاگون سے جاری رپورٹ میںبتایاگیاہے کہ واشنگٹن میںنیوامریکن سیکیورٹی سینٹرمیںخطاب کے دوران لیون پنیٹانے کہاکہ امریکی انتظامیہ پاکستان کے ساتھ تعلقات کے احیاکی خواہش مند ہے نیز 2014میں افغانستان سے امریکی انخلااسی وقت ممکن ہے جب دہشتگردوںکی محفوظ پناہ گاہوں کے ختم ہونے کایقین ہو جائے اور یہ دہشت گردوں کے محفوظ ٹھکانوں کے خاتمے کے پاکستانی عزم پرمنحصرہے۔

پاکستان میں دہشت گردوںکی محفوظ پناہ گاہیں ہیں ا وردہشت گردافغانستان میںکارروائیاںکرکے سرحدپارمحفوظ پناہ گاہوںمیںچلے جاتے ہیں۔پنیٹانے کہاکہ افغانستان کومحفوظ بنانے کیلیے دہشت گردوںکے ٹھکانوںکوتباہ کرنے کی ذمے داری پاکستان کولینا ہوگی۔انھوں نے کہا امریکاچاہتا ہے کہ 2013کے وسط سے سیکیورٹی کی صورت حال سنبھالنے کیلیے افغانوں کوآگے لایاجائے۔