اداروں میں اصلاحات ایشیائی بینک پاکستان کو 30 کروڑ ڈالر دیگا

رقم پاکستان ریلویز اور دوسرے سرکاری اداروں میں تنظیم نو اور اصلاحات کیلیے استعمال کی جائے گی۔ فوٹو: فائل

---

ایشیائی ترقیاتی بینک پاکستان کو سرکاری اداروں میں اصلاحات کیلیے 30 کروڑ ڈالر فراہم کرے گا۔

اس حوالے سے پاکستان اور ایشیائی ترقیاتی بینک میں معاہدہ طے پا گیا۔ سیکریٹری اقتصادی امور ڈویژن طارق باجوہ اور ایشیائی ترقیاتی بینک کے کنٹری ڈائریکٹر ورنر لیپک نے منگل کو یہاں ایک تقریب میں معاہدے پر دستخط کیے۔

وفاقی وزیر خزانہ سینیٹر اسحق ڈار بھی تقریب میں موجود تھے۔ اس موقع پر انھوں نے ایشیائی ترقیاتی بینک کی جانب سے پاکستان کی معیشت کے مختلف شعبوں میں معاونت پر شکریہ ادا کیا۔ انھوں نے کہا کہ یہ رقم پاکستان ریلویز اور دوسرے سرکاری اداروں میں تنظیم نو اور اصلاحات کیلیے استعمال کی جائے گی۔