لانگ مارچ اور سونامی ملک کو تصادم کی جانب لے جائینگے قمر کائرہ

اسلام آباد: وفاقی وزیراطلاعات قمر زمان کائرہ میڈیا کے نمائندوں سے گفتگو کررہے ہیں۔ فوٹو: اے پی پی

---

وفاقی وزیر اطلاعات و نشریات قمر زماں کائرہ نے کہا ہے کہ پاکستان میں سیاسی و جمہوری نظام رواں دواں ہے۔

جمہوریت میں عوام انتخابات کے ذریعے فیصلہ کرتے ہیںلانگ مارچ اور سونامی کی باتیں ملک کوتصادم کی طرف لے جائیںگی طاہر القادری جمہوریت ڈی ریل کرنا چاہتے ہیں۔انھوں نے گزشتہ روزستیانہ کے چک نمبر76 گ۔ب میں سیکرٹری اطلاعات چوہدری رشیداحمدکی والدہ کے انتقال پر تعزیت کے بعدمیڈیاسے گفتگو میںکہاکہ کوئی ملک میں سونامی اور کوئی تحریرسکوائر کا ڈرامہ کررہا ہے۔

لانگ مارچ کاکوئی مقصد نہیں،پرامن لانگ مارچ میں رکاوٹ نہیں بنیں گے تاہم اگرلاء اینڈآرڈرکا مسئلہ پیدا ہواتوپنجاب سے بھی مدد لی جاسکتی ہے، نگران وزیراعظم سیاست دان ہی ہو گا 14 جنوری سے قبل حکومت توڑنے کی افواہوںمیںکوئی صداقت نہیں ہے انتخابات وقت پرہی ہونگے۔انھوں نے کہا کہ ملک میں کوئی سونامی آئے گا اور نہ ہی تحریر سکوائر بنے گا کیونکہ طاہرالقادری کو تحریر سکوائرکے بارے میں علم ہی نہیں۔



لانگ مارچ سے قبل طاہر القادری قوم کو بتائیں کہ وہ الیکشن میں بھی آرہے ہیں یا نہیں، اگر انہوں نے الیکشن نہیں لڑنا تو وہ صرف اور صرف ملک میںجمہوری نظام کو ڈی ریل کرنیکی کوشش میں مصروف ہیں۔طاہر القادری واقعتاً 12 اکتوبر کو مشرف کے ٹیک اوورکرنے کے دوران بھی متحرک تھے۔اب بھی انکا اچانک متحرک ہونا سازش ہو سکتی ہے،آرمی کسی قسم کی سازش نہیںکررہی۔موجودہ حکومت16 مارچ کو اپنی مدت پوری کررہی ہے۔ نگران حکومت کے پاس الیکشن کروانے کیلئے 60 روز کی مدت ہوگی لہٰذا16 مئی تک الیکشن ہوسکتے ہیں۔