کابلخفیہ ایجنسی کے ہیڈ کوارٹر پرحملہایک اہلکارہلاک33زخمی 5حملہ آور مارے گئے

حملے میں کئی اہلکار ہلاک و زخمی ہوئے،طالبان نے ذمے داری قبول کرلی، علاقے میں کئی سفارتخانے بھی واقع ہیں. فوٹو: رائٹرز

---

افغانستان کے دارالحکومت کابل میں افغان خفیہ ایجنسی کے ہیڈ کوارٹرز پر 6 خودکش بمباروں نے حملہ کردیا جس میں ایک سیکیورٹی اہلکار ہلاک اور 33 افراد زخمی ہوگئے جن میں شہری اور اہلکار بھی شامل ہیں۔

جوابی کارروائی میں تمام حملہ آور مارے گئے، طالبان نے حملے کی ذمے داری قبول کرلی، ذرائع ابلاغ کے مطابق کابل کے ضلع وزیر اکبر خان میں نیشنل ڈائریکٹوریٹ آف سیکیورٹی (خفیہ ایجنسی) کے ہیڈ کوارٹرز پر پہلے ایک خودکش حملہ آور نے بارود سے بھری گاڑی ہیڈ کوارٹرز کے گیٹ سے ٹکرادی اور بعد میں ایک اور گاڑی سے مزید 5 حملہ آور آگئے جنھوں نے ہیڈ کوارٹرز کے اندر گھسنے کی کوشش کی، خودکش حملے میں ایک سیکیورٹی اہلکار ہلاک جبکہ 33 افراد زخمی ہوگئے جن میں اہلکار اور شہری بھی شامل ہیں۔



طالبان نے ذمے داری قبول کرتے ہوئے کہا کہ حملے میں کئی انٹیلی جنس اہلکار ہلاک اور زخمی ہوئے ہیں۔ پولیس کا کہنا ہے کہ حملے کے بعد دھماکا خیز مواد سے لیس ایک کار کو ناکارہ بنایا گیا ہے۔ جس علاقے میں یہ حملہ ہوا ہے وہاں وزارت داخلہ کے دفتر میں بڑی تعداد میں لوگ اپنے پاسپورٹ اور شناختی کارڈ لینے آتے ہیں۔ انٹلیجنس کے سربراہ جنرل ظہیرنے بتایا کہ دھماکے کی جگہ امدادی کارروائیوں کا آپریشن اب ختم ہوگیا ہے۔ علاقے میں کئی غیر ملکی سفارتخانے واقع ہیں۔ طالبان نے مشرقی افغانستان میں امریکی ہیلی کاپٹر کو تباہ کرنے کا دعویٰ کیا ہے۔