افغانستان سیکیورٹی فورسز کا 58 عسکریت پسندوں کی ہلاکت کا دعویٰ

آپریشن ملک کے مختلف علاقوں میں کیا گیا، افغانستان میں نیٹو فوجیوں کی تعداد بڑھا سکتے ہیں، نیٹو سیکرہٹری جنرل۔ فوٹو: فائل

---

افغان سیکیورٹی فورسز نے ملک کے مختلف حصوں میں کارروائیوں کے دوران 58 عسکریت پسندوں کی ہلاکت کا دعویٰ کیا ہے۔

کابل میں وزارت دفاع کی طرف سے جاری ہونے والے ایک بیان میں کہا گیا ہے کہ گزشتہ 24 گھنٹوں کے دوران ملک کے مختلف حصوں میں فضائی کارروائیوں میں 58 عسکریت پسند ہلاک ہوگئے، مرنے والوں میں داعش اور حقانی نیٹ ورک کے ارکان بھی شامل ہیں۔

دوسری جانب نیٹو کے سیکریٹری جنرل نے کہا ہے کہ مغربی عسکری اتحاد اس بارے میں فیصلہ کرنے کے قریب پہنچ چکا ہے کہ افغانستان میں داعش کے خلاف لڑائی میں مدد دینے کے لیے وہ اس ملک میں اپنے فوجیوں کی تعداد میں اضافہ کرے یا نہیں۔ ان کا کہنا تھا کہ سیکیورٹی کی صورتحال کے تناظر میں نیٹو افغانستان میں اپنے فوجیوں کی موجودہ13 ہزار اہلکاروں کی تعداد میں اضافہ کرسکتا ہے۔

علاوہ ازیں امریکا نے افغانستان میں موجود اپنے شہریوں کو محتاط رہنے کا مشورہ دیا ہے۔