حافظ سعید کے سر کی قیمت مقرر نہیں کی امریکا کی تردید

نئے امریکی وزیر خارجہ نے پاکستانی ہم منصب کو فون نہیں کیا، جلد رابطہ ہوگا ، ترجمان فوٹو : فائل

---

امریکا نے واضح کیا ہے کہ جماعت الدعوۃ کے سربراہ حافظ محمد سعید کے سر کی قیمت مقرر نہیں کی گئی بلکہ ان کیخلاف معلومات کے حصول کے لیے انعام کا اعلان کیا گیا ہے ۔

یہ بات محکمہ خارجہ کے ترجمان وکٹوریہ نولینڈ نے ہفتے کو پریس بریفنگ کے دوران سوالوں کے جواب دیتے ہوئے کہی ۔ ترجمان نے کہا کہ اس اعلان کا مقصد حافظ سعید کے ممبئی دھماکوں میں ملوث ہونے کے حوالے سے معلومات حاصل کرنا تھا تاکہ ان کیخلاف یہ ثبوت عدالتوں میں پیش کیے جا سکیں ۔



ایک سوال پر ترجمان نے کہا کہ ابھی تک نئے امریکی وزیر خارجہ جان کیری نے پاکستانی ہم منصب حنا ربانی کھر سے فون پر کوئی رابطہ نہیں کیا تاہم توقع ہے کہ جلد رابطہ کیا جائے گا ۔