- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
بھارتی فوج کی دہشت گردی سے 2 کشمیری شہید، علی گیلانی نظر بند
سری نگر: مقبوضہ کشمیر میں بھارتی فوجیوں نے ریاستی دہشت گردی کی تازہ کارروائی کے دوران ضلع کپواڑہ میں 2 کشمیری نوجوان شہید کر دیے جبکہ حریت پسند رہنما علی گیلانی کو نظر بند کردیا گیا۔
اے پی پی کے مطابق فوجیوں نے ان نوجوانوں کو ضلع کے علاقے فریقین گلی میں جاری آپریشن کے دوران شہید کیا۔ بھارتی فوج نے دعویٰ کیا کہ شہید ہونے والے نوجوان مجاہد تھے۔ آخری اطلاعات ملنے تک علاقے میں فوجی آپریشن جاری تھا۔ مقبوضہ کشمیر میں گزشتہ 25 برس میں بھارتی فوجیوں اور پولیس اہلکاروں کی حراست کے دوران لاپتہ اور شہید کیے گئے کشمیریوں کے رشتے داروں نے پرتاپ پارک سری نگر میں خاموش احتجاجی مظاہرہ کیا۔
مظاہرین نے انسانی حقوق کی بین الاقوامی تنظیموں سے اپیل کی کہ وہ مقبوضہ کشمیر میں بڑے پیمانے پر بھارتی فوجیوں اور پولیس اہلکاروں کی طرف سے جاری انسانی حقوق کی پامالیوں کاسخت نوٹس لیں اور تحقیقات کرائے۔ احتجاجی مظاہرے میں لاپتہ ہونے والے کشمیریوں کے لواحقین اور رشتے داروں کی بڑی تعداد نے شرکت کی۔
مظاہرین نے ہاتھوں میں بینرز اورپلے کارڈ ز اٹھارکھے تھے جن پر کشمیری نوجوانوں کی باز یابی کے حق میں نعرے درج تھے۔ مظا ہرین میں خواتین کی بڑی تعدا د بھی شامل تھی جن کا کہنا تھا کہ اگر ان کے جگر گوشوں کو دوران حراست تشدد یا جعلی مقابلوں کے دوران قتل کردیا گیا ہے تو کم سے کم ان کی باقیات ہی واپس کر دی جائیں یا جس مقام پر انھیں دفن کیا گیا ہے اس بارے میں انھیں معلومات فراہم کی جائیں۔
دوسری جانب اے پی پی کے مطابق مقبوضہ کشمیر میں قابض انتظامیہ نے بزرگ حریت رہنما سید علی گیلانی کو نئی دہلی میں پاکستانی ہائی کشمنرسے ملاقات کے بعد واپسی پر سری نگر ایئر پورٹ پر قدم رکھتے ہی پولیس کی ایک گاڑی میں سوار کرالیااور حیدر پورہ کے علاقے میں واقع ان کی رہائش گاہ پر لے جاکر نظر بند کردیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔