پیپلز پارٹی کے جلسے میں ایکسپریس نیوز کے رپورٹر اور کیمرہ مین پر جیالوں کا بدترین تشدد

کراچی: باغ قائد میں جلسے کے دوران پیپلز پارٹی کے جیالوں نے سچ دکھانے کی پاداش میں ایکسپریس نیوز کے رپورٹر اور کیمرہ مین کو بدترین تشدد کا نشانہ بنایا۔

ایکسپریس نیوز کے مطابق رپورٹر ندیم خان اور کیمرہ مین وسیم مغل پیپلز پارٹی کے چیرمین بلاول بھٹو زرداری کی تقریر کے دوران جیالوں کے واپس جانے کی فوٹیج بنارہے تھے کہ اسی دوران درجنوں جیالوں نے انہیں لاتوں اور گھونسوں سے بدترین تشدد کا نشانہ بنایا اور کپڑے پھاڑ دیئے، جیالوں نے سچ دکھانے پر ایکسپریس نیوز کی ٹیم کا کیمرہ بھی توڑ دیا اور دھمکی دی کہ اگر فوٹیج بنانے یا جلسہ ناکام دکھانے کی کوشش کی تو اس کے سنگین نتائج بھگتنے ہوں گے۔