- پاکستان اور نیوزی لینڈ کے مابین چوتھا ٹی ٹوئنٹی آج کھیلا جائے گا
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
سیالکوٹ میں ایس ایچ او کی فائرنگ سے بار کے صدر ساتھی سمیت جاں بحق، مختلف شہروں میں ہنگامے
سیالکوٹ: تحصیل ڈسكہ ميں پوليس گردی كی انتہا کو پہنچ گئی جہاں ايس ايچ او سٹی كی پوليس اہلكاروں سميت وكلا پر مبینہ فائرنگ سے صدر بار اور ساتھی وكيل عرفان چوہان سميت جاں بحق جب كہ وكيل اور 2 راہگير شديد زخمی ہوگئے جب کہ وزیراعظم نوازشریف نے واقعے کا نوٹس لے لیا۔
نمائندہ ایکسپریس کے مطابق عامر بشارت ايڈووكيٹ ٹی ايم او آفس ميں نكاح نامہ كی كاپی لينے آيا جس پر اس كی ٹی ايم اے ميں تعينات فاروق سے تلخ كلامی ہوگئی جس پر اس نے صدر بار رانا خالد عباس كو اطلاع دی اور صدر بار ديگر وكلا كے ہمراہ وہاں پہنچ گئے، اس موقع پر وكلا اور ٹی ايم او ملازمين ميں جھگڑا ہوا توپولیس کو طلب کیا گیا جس کے بعد ایس ایچ او سٹی شہزاد وڑائچ نفری لے كر وہاں جارہے تھے كہ اس دوران وكلا صدر بار كی قيادت ميں پولیس كے خلاف نعرے لگاتے سامنے آگئے جس کے بعد ايس ايچ او نے وكلاپر لاٹھی چارج كا حكم ديا تو پوليس اہلکاروں نے وكلا پر تشدد كرنا شروع كرديا جب كہ وكلا كی طرف سے سٹی پوليس كے خلاف نعرے بازی سے مشتعل ہوكر ايس ايچ او شہزاد ورائچ نے مبینہ طور پر وكلا پر فائرنگ شروع كردی۔
ایس ایچ او کی فائرنگ كے نتيجے ميں صدر بار رانا خالد عباس موقع پر ہی جاں بحق ہوگئے جب كہ ان كے ساتھی وكلاعرفان چوہان اورجہانزيب ساہی كو تشويشناک حالت ميں اسپتال منتقل کیا گیا جہاں سے انہیں گوجرانوالہ اسپتال لے جایا جارہا تھا کہ عرفان چوہان ايڈووكيٹ زخموں كی تاب نہ لاتے ہوئے راستے ميں ہی دم توڑ گئے۔
واقعے کے بعد ضلع بھر ميں وكلا كے احتجاجی مظاہرے شروع ہوگئے اورڈسكہ بار كے وكلا وديگر مظاہرين نے تھانہ سٹی ڈسكہ ، ڈی ایس پی آفس اورٹی ايم اے آفس كا گھيراؤ كركے اسے نذر آتش کردیا۔
وزیراعظم نوازشریف نے ڈسکہ واقعے کا نوٹس لیتے ہوئے اعلیٰ حکام سے فوری رپورٹ طلب کرلی ہے جب کہ ترجمان پنجاب حکومت کے مطابق وزیراعلی پنجاب نے ڈسکہ میں پولیس افسر کے ہاتھوں 2 وکیلوں کی ہلاکت کا نوٹس لیتے ہوئے جوڈیشل انکوائری کا حکم دیتے ہوئے ٹی ایم او ڈسکہ کو معطل کردیا۔ ترجمان کا کہنا ہے کہ وزیراعلی نے اے سی ڈسکہ کو او ایس ڈی بنانے کے احکامات جاری کرتے ہوئے سیکرٹری پنجاب کو اس حوالے سے ہدایت کی ہے کہ وہ چیف جسٹس لاہور ہائیکورٹ کو فوری خط لکھیں۔
دوسری جانب چیف جسٹس لاہور ہائیکورٹ جسٹس منظور ملک نے ڈسکہ واقعے کا نوٹس لیتے ہوئے حالات معمول پرلانے کے لئے فوری طورپر رینجرز تعینات کرنے کا حکم دیا ہے جب کہ ڈی پی او سیالکوٹ ڈاکٹر آصف شہزاد کا کہنا ہے کہ وکلا تحصیل میونسپل ایڈمنسٹریشن آفس میں ہنگامہ آرائی کررہے تھے جنہیں پولیس نے روکنے کی کوشش کی جس پرمعاملہ سنگین ہوگیا تاہم وکلا پر فائرنگ کرنے والے ایس ایچ او تھانہ سٹی شہزاد وڑائچ کو حراست میں لے لیا گیا ہے۔
ڈسکہ میں 2 وکیلوں کی ہلاکت کے بعد پاکستان بار کونسل نے آج ملک بھر میں ہڑتال کا اعلان کرتے ہوئے 3 روزہ سوگ کا اعلان کیا ہے جب کہ گوجرانوالہ ڈسٹرکٹ بارایسوسی ایشن نے آج ہڑتال اورملتان بارایسوسی ایشن نے پولیس کی جانب سے وکلا پر فائرنگ کے واقعے کے خلاف آج یوم سیاہ منانے کا اعلان کیا ہے،اسی طرح اسلام آباد بار ایسوسی ایشن نے بھی آج مکمل عدالتی کارروائی کے بائیکاٹ کا اعلان کیا ہے۔
چیئرمین تحریک انصاف عمران خان نے ڈسکہ واقعے کے خلاف آج ملک بھر میں پر امن یوم سوگ اور احتجاج کا اعلان کرتے ہوئے کہا کہ پنجاب پولیس شہریوں کی محافظ نہیں بلکہ قاتل بن چکی ہے، ڈسکہ میں بے گناہ وکیلوں کے قتل کے خلاف آج کارکنان ملک بھر میں پر امن یوم سوگ منائیں گے اور اس موقع پر احتجاج بھی کیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔