کراچی میں وکیل کے قتل کیخلاف وکلا کا عدالتی کارروائی کا بائیکاٹ

ویب ڈیسک  ہفتہ 29 اگست 2015
پاکستان بار کونسل کا بھی کراچی بار کی ہڑتال کی حمایت میں پیر کو ملک بھر میں عدالتی کارروائی کے بائیکاٹ کا اعلان. فوٹو:فائل

پاکستان بار کونسل کا بھی کراچی بار کی ہڑتال کی حمایت میں پیر کو ملک بھر میں عدالتی کارروائی کے بائیکاٹ کا اعلان. فوٹو:فائل

 کراچی: گزشتہ روز ٹارگٹ کلنگ کا شکار ہونے والے وکیل امیر حیدر شاہ کے قتل کے خلاف کراچی بار ایسوسی ایشن کی جانب سے عدالتی کارروائی کا بائیکاٹ جاری ہے۔

ایکسپریس نیوز کے مطابق ایڈووکیٹ امیر حیدرشاہ کی ٹارگٹ کلنگ کے خلاف وکلا کی جانب سے عدالتی کارروائی کا بائیکاٹ جاری ہے جس کے دوران وکلا نے سٹی کورٹ کے مرکزی دروازوں کو تالے لگا دیئے اور کسی سائل کو عدالت میں داخلے کی اجازت نہیں۔ وکلا کی ہڑتال کے باعث آج ہونے والے کیسز کی سماعت ملتوی کردی گئیں جس کے باعث دور دراز سے آئے سائلین کو شدید مشکلات کا سامنا کرنا پڑا۔

دوسری جانب پاکستان بار کونسل نے بھی کراچی بار ایسوسی ایشن کی ہڑتال کی حمایت کرتے ہوئے پیر کو ملک بھر میں عدالتی کارروائی کے بائیکاٹ کا اعلان کیا ہے۔

واضح رہے کہ ایڈووکیٹ امیر حیدرشاہ کو گزشتہ روز حسن اسکوائر کے قریب نامعلوم موٹرسائیکل سواروں نے فائرنگ کر کے ہلاک کیا تھا، امیر حیدرشاہ کراچی بار کے جوائنٹ سیکرٹری بھی رہ چکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔