پاکستان میں بھارتی فلم ’’نیرجا‘‘ کی نمائش پر پابندی عائد

فلم میں مذہب اور پاکستان مخالف مواد شامل کیا گیا ہے، پاکستان سنسر بورڈ

ویب ڈیسک جمعرات 11 فروری 2016

فلم میں مذہب اور پاکستان مخالف مواد شامل کیا گیا ہے، پاکستان سنسر بورڈ، فوٹو؛فائل

کراچی: بالی ووڈ کی موسٹ اسٹائلش اداکارہ سونم کپور کی نئی آنے والی فلم’’نیرجا‘‘ کی پاکستان میں نمائش پر پابندی لگا دی گئی ہے۔

بالی ووڈ اداکارہ سونم کپور کی نئی آنے والی فلم’’نیرجا‘‘ کو پاکستان میں نمائش سے روک دیا گیا ہے جس کے بعد اب ان کی فلم پاکستانی سنیما گھروں میں نہیں دکھائی جاسکے گی۔

پاکستان سینٹرل سنسر بورڈ کے مطابق فلم میں مذہب اور پاکستان مخالف مواد شامل کیا گیا ہے جس کے ذریعے مسلمانوں اور پاکستان کے بارے میں غلط تاثر دینے کی کوشش کی گئی ہے اسی لیے فلم کو کسی صورت پاکستان میں نمائش کی اجازت نہیں دی جاسکتی۔

واضح رہے کہ بالی ووڈ اداکارہ سونم کپور کی نئی آنے والی فلم’’نیرجا‘‘نے ایئر ہوسٹس کا کردار اد اکیا ہے جب کہ فلم 19 فروری کو ریلیز کی جائے گی۔