گوادر میں لیویز کی چیک پوسٹ پر فائرنگ سے 7 اہلکار شہید، ایک زخمی

سیکیورٹی فورسز نے جائے وقوعہ کو گھیر لیا اور علاقے میں ناکہ بندی کرکے سرچ آپریشن شروع کردیا۔ لیویز ذرائع

ویب ڈیسک جمعرات 25 اگست 2016

فائرنگ سے تحصیلدار سمیت 3 اہلکار زخمی ہوئے جنہیں اسپتال منتقل کردیا گیا، لیویز ذرائع، فوٹو؛ فائل

گوادر: جیونی چیک پوسٹ پر نامعلوم افراد کی فائرنگ سے 7 لیویز اہلکار شہید جب کہ ایک زخمی ہوا ہے۔

لیویز ذرائع کے مطابق بلوچستان کے شہر گوادر کے علاقے جیونی میں واقع چیک پوسٹ پر نامعلوم افراد نے فائرنگ کی جس کے نتیجے میں پوسٹ پر موجود 5 لیویز اہلکار شہید ہوگئے جب کہ تحصیلدار سمیت 3 افراد زخمی ہوئے جنہیں فوری طور پر قریبی اسپتال منتقل کردیا گیا تاہم 2 افراد زخموں کی تاب نہ لاتے ہوئے دم توڑ گئے۔

ذرائع کے مطابق فائرنگ کے بعد حملہ آور بآسانی فرار ہوگئے جب کہ واقعہ کی اطلاع ملتے ہی سیکیورٹی فورسز کی بھاری نفری نے جائے وقوعہ کو گھیر لیا اور علاقے میں ناکہ بندی کرکے سرچ آپریشن شروع کردیا۔