سندھ میں مدارس کی رجسٹریشن کا فیصلہ اٹل ہے، مولا بخش چانڈیو

 کراچی: مشیر اطلاعات سندھ مولا بخش چانڈیو کا کہنا ہےکہ صوبے میں مدارس کی رجسٹریشن کا فیصلہ اٹل ہے اور اس حوالے سے مدارس کے تحفظات دور کیے جائیں گے۔

سندھ ایپکس کمیٹی کے اجلاس کے بعد میڈیا کو بریفنگ دیتے ہوئے مولا بخش چانڈیو نے کہا کہ مدارس کی رجسٹریشن کا فیصلہ اٹل ہے اس حوالے سے دینی جماعتوں کے تحفظات دور کیے جائیں گے۔ انہوں نے کہا کہ ہم چاہتے ہیں یہ کام اس انداز سے ہو اس میں افراتفری نہ ہو اور سب لوگوں کے لیے قابل قبول ہو، مدارس کی رجسٹریشن پر تمام لوگوں کے ساتھ متفقہ طور پر اس قانون پر عملدرآمد کرائیں گے۔