- جسٹس بابر ستار پر الزامات ہیں تو کلیئر کریں، فیصل واوڈا
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
پاکستان کا پانی روکنے کی بھارتی کوشش اعلان جنگ تصور کی جاسکتی ہے، سرتاج عزيز
اسلام آباد: مشیر خارجہ سرتاج عزیز کا کہنا ہے کہ پاکستان کاپانی روکنےکی بھارتی کوشش اعلان جنگ تصورکی جاسکتی ہے۔
پارلیمنٹ ہاؤس کے باہر میڈیا سے بات کرتے ہوئے مشیرخارجہ سرتاج عزیز کا کہنا تھا کہ بھارت کا پاکستان کو تنہا کرنے کا خواب کبھی شرمندہ تعبیر نہیں ہوسکتا، کشمیر کے معاملے پر پاکستان کی 56 ممالک نے حمایت کی۔ ان کاکہنا تھا کہ بھارتی وزیر خارجہ کا بیان بھی غلط ہے کہ کشمیر بھارت کا اٹوٹ انگ ہے کیونکہ پوری دنیا کشمیر کو متنازعہ علاقہ سمجھتی ہے۔ پاکستان کشمیر کے معاملے پر کسی دباؤ میں نہیں آئے گا عالمی برادری کو بھی چاہئے کہ وہ مسئلہ کشمیر کے حل کے لئے اپنا کردار ادا کرے۔
اس سے پہلے پارلیمنٹ میں اظہار خیال کرتے ہوئے مشیر خارجہ کا کہنا تھا کہ بھارت مسئلہ کشمیر پر سے توجہ ہٹانے کے لئے مختلف حربے استعمال کررہا ہے اور اب پاکستان پر دباؤ بڑھانے کے لئے سندھ طاس معاہدہ اٹھا رہا ہے سندھ طاس معاہدہ پاک بھارت 2 طرفہ معاہدہ ہے اور دونوں ممالک معاہدے کی پاسداری کے پابند ہیں۔ ان کا کہنا تھا کہ معاہدے کے تحت بھارت نا ہی پانی جمع کرسکتا ہے اور نا پانی کا رخ تبدیل کرسکتا ہے بھارت خود سندھ طاس معاہدے کی خلاف ورزی کررہا ہے اور اب تک 32 چھوٹے بڑے ڈیم تیار کرچکا ہے جن میں سے 2 یا 3 پر تنازع تھا۔
اس خبر کو بھی پڑھیں: کشمیر کو اٹوٹ انگ قرار دینے کے بھارتی دعوے کے خلاف قرارداد منظور
سرتاج عزیز کا کہنا تھا کہ پاکستان کا پانی روکنے کی بھارتی کوشش اعلان جنگ تصور کی جاسکتی ہے اور اگر بھارت نے پاکستان کا پانی روکا تو چین کو بھارت کا پانی روکنے کا جواز مل جائے گا۔ سندھ طاس معاہدے کا ضامن عالمی بینک ہے معاہدے کے تحت کوئی بھی فریق اسے ختم نہیں کر سکتا اگرمعمولی سی بھی خلاف ورزی ہوئی تواپنامیکنزم حرکت میں لائیں گے اور معاملہ بین الاقوامی سطح پر اٹھائیں گے امید ہےاس مسئلے پرپوری عالمی برادری کی حمایت ہمارے ساتھ ہوگی۔ اور اب اطلاعات آرہی ہیں کہ دباؤ آنے پر بھارت نےمعاہدے کی معطلی کا فیصلہ ترک کردیا ہے۔
مشیر خارجہ کا کہنا تھا کہ بلوچستان میں بھارتی مداخلت پر ایک ڈوزئیر تیار کررہے ہیں جس میں بھارتی ایجنٹ کلھبوشن یادو سمیت را کے پورے نیٹ ورک کو دستاویزی ثبوتوں کے ساتھ دنیا کے سامنے لائیں گے ڈوزئیر میں افغانستان اور بلوچستان کے حوالے سے بھی زکر کیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔