نام نہاد سرجیکل اسٹرائیک پر بھارتی اداکار بھی پاکستان کے خلاف زہر اگلنے لگے

ممبئی: پاکستان سے ظاہری طور پر امن کی باتیں کرنا اور دل میں عداوت رکھنے میں ناصرف بھارتی سیاستدان ماہر ہیں بلکہ اس شعبے میں بھارتی فلم انڈسٹری سے تعلق رکھنے والے برے بڑے نام بھی کسی طور پر پیچھے نہیں ہیں اور ایل او سی پر نام نہاد سرجیکل اسٹرائیک کے دعوے نے ان اداکاروں کے چہرے بھی بے نقاب کر دیئے ہیں۔

حال ہی میں بھارتی شہریت پانے والے عدنان سمیع خان نے ٹویٹر پر اپنے ٹویٹ میں بھارتی وزیراعظم نریندر مودی اور فورسز کو دہشت گردوں کے خلاف جرات مندانہ اور کامیاب آپریشن پر مبارکباد دیتے ہوئے انہیں سیلوٹ پیش کیا ہے۔

Big Congratulations to @PMOIndia & our brave Armed forces for a brilliant, successful & mature strategic strike against #terrorism ! #Salute

— Adnan Sami (@AdnanSamiLive) September 29, 2016

ان کا مزید کہنا ہے کہ پاکستانی میرے ٹویٹ سے آگ بگولہ ہو گئے ہیں اور ان کا غصہ واضح کرتا ہے کہ یہ لوگ پاکستان اور دہشت گردوں کو ایک جیسا ہی دیکھتے ہیں۔

Pakistanis r outraged by my earlier tweet. Their outburst clearly means they see Terrorist & Pakistan as the same! #selfgoal #stopterrorism

— Adnan Sami (@AdnanSamiLive) September 30, 2016

اکشے کمار نے اپنے دل کا بغض ظاہر کرتے ہوئے سماجی رابطوں کی ویب سائٹ پر کہا کہ دہشت گردوں کے خلاف کامیاب آپریشن کرنے پر بھارتی فوج پر فخر ہے اور بھارتی حکومت اس قسم کا اقدام اٹھانے پر مبارکباد کی مستحق ہے۔

Proud of the Indian Army for successfully carrying out the anti-terrorism operation.Glad the Government took this bold step,was about time!

— Akshay Kumar (@akshaykumar) September 29, 2016

دو روز قبل اپنی 85 ویں سالگرہ کے موقع پر پاکستانی مداحوں سے ملنے کی خواہش کا اظہار کرنے والی گلوکارہ لتا منگیشکر کا کہنا تھا کہ مجھے اپنے فوجیوں اور وزیراعظم پر فخر ہے۔

Namaskar. Mujhe garv hai hamare veer jawano pe,hamare pradhan matri ji aur raksha mantri ji pe. Jai Hind !Vande Mataram !

— Lata Mangeshkar (@mangeshkarlata) September 29, 2016

پاکستان کے خلاف زہر اگلنے میں بھارتی اداکار شاہ رخ خان بھی کسی سے پیچھے نہیں ہیں اور انہوں نے کہا کہ دہشت گردوں کے خلاف آپریشن کرنے پر بھارتی فوج کا شکریہ، ہم سب کو بھارتی فوجیوں کی حفاظت کے لئے دعا کرنی چاہیئے۔

Thnx Indian army for the action against terrorism.V should all pray for safety & well being of our Indian soldiers. pic.twitter.com/7gltoNP937

— Shah Rukh Khan (@iamsrk) September 29, 2016

اس کے علاوہ جان ابراہم، کنگنا رناوت اور سوناکشی سنہا نے بھی اڑی حملے کو پاکستان سے منسلک کرتے ہوئے اپنے ملک کی جارحیت کو درست قرار دیا ہے۔