- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
کراچی میں ٹارگٹ کلرز کو چھڑانے کیلیے پولیس پر حملہ، ایک اہلکار جاں بحق اوردوسرا زخمی
کراچی: بلوچ کالونی کے قریب ملزمان کو عدالت سے لانے والے پولیس اہلکاروں کی کار پر فائرنگ کے نتیجے میں ایک پولیس اہلکار جاں بحق اور دوسرا زخمی ہوگیا جب کہ ملزمان پولیس کے زیرحراست اپنے 2 ساتھیوں کو چھڑا کر لے گئے۔
ایکسپریس نیوز کےمطابق کراچی کے علاقے بلوچ کالونی کےقریب نامعلوم مسلح ملزمان نے پولیس کی کار پر فائرنگ کردی جس میں سوار ایک پولیس اہلکار موقع پر ہی جاں بحق اور دوسرا شدید زخمی ہوگیا جسے فوری طبی امداد کے لیے جناح اسپتال منتقل کردیا گیا جہاں اس کی حالت تشویشناک بتائی جاتی ہے۔
پولیس کے مطابق کار میں سوار اہلکار لیاری گینگ وار کے 2 ملزمان کو عدالت سے واپس لے جارہے تھے کہ اس دوران کازوے کورنگی میں 2 موٹر سائیکلوں پر سوار 4 مسلح ملزمان نے اپنے ساتھیوں کو چھڑانے کے لیے حملہ کیا، ملزمان نے پہلے فائرنگ کرکے پولیس کی گاڑی کو روکا تو دوطرفہ فائرنگ کا تبادلہ ہوا اور اس دوران کار میں موجود ملزمان نے بھی پولیس اہلکاروں کو قابو کرنے کی کوشش کی تاہم ملزمان کی فائرنگ سے ایک پولیس اہلکار جاں بحق ہوگیا اور دوسرا سر میں گولی لگنے سے شدید زخمی ہوا جب کہ ملزمان 2 ٹارگٹ کلرز کو چھڑا کر لے گئے۔ پولیس کے مطابق جاں بحق اہلکار کی شناخت رفیق کے نام سے ہوئی ہے۔
واقعہ کے بعد ایس ایس پی کورنگی اور ڈی آئی جی ایسٹ سمیت رینجرز حکام بھی موقع پر پہنچے اور جائے وقوعہ کا معائنہ کیا۔ دوسری جانب آئی جی سندھ اے ڈی خواجہ نے واقعہ کا نوٹس لیتے ہوئے علاقہ پولیس سے فوری رپورٹ طلب کرلی ہے جب کہ ملزمان کی گرفتاری کے لیے ناکہ بندی کے احکامات بھی جاری کردیئے ہیں۔
وزیراعلیٰ سندھ سید مراد علی شاہ نے بھی واقعہ کا نوٹس لیتے ہوئے آئی جی سندھ سے تفصیلی رپورٹ طلب کرلی ہے۔ وزیراعلیٰ نے ملزمان کو عدالت سے لے جاتے وقت ناقص سیکیورٹی پر بھی برہمی کا اظہار کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔