مصباح الحق کو کپتانی کا فیصلہ خود کرنا ہوگا، چیف سلیکٹر انضمام الحق

ویب ڈیسک  ہفتہ 10 دسمبر 2016

تازہ ترین خبروں اور تجزیوں کیلئے سبسکرائب کریں

 کراچی: قومی ٹیم کے چیف سلیکٹر انضمام الحق کا کہنا ہے کہ آسٹریلیا کے خلاف کامیابی کے لیے یونس خان کو لازمی رنز کرنا ہوں گے جب کہ مصباح الحق کو کپتانی کا فیصلہ خود کرنا ہوگا۔

کراچی میں قائد اعظم ٹرافی کے فائنل کے موقع پر میڈیا سے بات کرتے ہوئے چیف سلیکٹر انضمام الحق نے کہا کہ قومی ٹیم نے آسٹریلیا الیون کے خلاف اچھا کھیل پیش کیا اور یہ پاکستان کی اچھی ابتدا ہے تاہم آسٹریلیا کے خلاف کامیابی کے لیے یونس خان کو لازمی رنز کرنا ہوں گے جب کہ نیوزی لینڈ سے ٹیسٹ سیریز میں شکست کی بڑی وجہ پریکٹس میچ نہ ملنا تھا۔

انضمام الحق کا کہنا تھا کہ ٹیسٹ کرکٹ میں کپتانی کرنے والے مصباح الحق کو اپنی کپتانی کا فیصلہ خود کرنا ہوگا جب کہ وکٹ کیپیر بیٹسمین کامران اکمل کی کارکردگی پر نظر ہے، اگر ٹیم میں ان کی ضرورت ہوئی تو انہیں ضرور قومی ٹیم کا حصہ بنایا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔