پنجاب بھر میں چائنیز نمک (اجینوموتو) پر پابندی

ویب ڈیسک  پير 15 جنوری 2018
چائنہ نمک کے استعمال کے مکمل خاتمے کے لئے 31 مارچ کی حتمی ڈیڈ لائن جاری کردی ہے، پنجاب فوڈ اتھارٹی : فوٹو : فائل

چائنہ نمک کے استعمال کے مکمل خاتمے کے لئے 31 مارچ کی حتمی ڈیڈ لائن جاری کردی ہے، پنجاب فوڈ اتھارٹی : فوٹو : فائل

لاہور: پنجاب فوڈ اتھارٹی کے سائینٹفک پینل نے چائنیز نمک (اجینوموتو) پر پابندی عائد کردی ہے۔

ایکسپریس نیوز کے مطابق پنجاب فوڈ اتھارٹی سائنٹیفک پینل نے صوبے بھر میں چائنیز نمک (اجینوموتو) پر مکمل پابندی عائد کردی ہے۔ سائنٹیفک پینل کا کہنا ہے کہ اجینوموتو میں مونو سوڈیم گلومیٹ پایا جاتا ہے جو سر درد، دل کی دھڑکن کے مسائل اور دماغی و اعصابی بیماریوں کا باعث بنتی ہے۔

سائنٹیفک پینل کا کہنا ہے کہ بلڈ پریشر، ہائپرٹینشن کا سبب بننے والا چائنہ سالٹ حاملہ خواتین کے لئے بھی سخت نقصان دہ ہے لہذٰا ہوٹل، ریستورانوں، فروزن فوڈز اور دیگر تمام مصنوعات میں چائنیز نمک کے استعمال پر مکمل پابندی عائد کی جائے۔

دوسری جانب پنجاب فوڈ اتھارٹی کا کہنا ہے کہ صوبے بھر میں چائنیز نمک کے استعمال کے مکمل خاتمے کے لئے 31 مارچ کی حتمی ڈیڈ لائن جاری کردی ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔