شام باغیوں نے فوجی اڈے پر قبضہ کر لیا جھڑپوں میں مزید50ہلاک

صوبہ درعا میں شامی فوج اور باغیوں کے درمیان 2ہفتوں سے جھڑپیں جاری تھیں،اڈے میں قید درجنوں قیدی بھی بھاگ گئے. فوٹو: رائٹرز

---

شام میں باغیوں نے جنوبی صوبے درعا میں 2 ہفتوں سے جاری شدید لڑائی کے بعد سرکاری فوج کے ایک اہم فوجی اڈے پر قبضہ کرلیا ہے۔

جبکہ صدر بشارالاسد کی حامی سرکاری فوج سے لڑائی کے دوران مزید 42 باغی ہلاک ہوگئے، 8 فوجی بھی مارے گئے، ذرائع ابلاغ کے مطابق فوجی اڈہ صوبے درعا کے قصبے سیدا میں واقع ہے،اڈے میں قید درجنوں قیدی بھی بھاگ گئے۔ لڑائی میں 7 باغی اور8 سرکاری فوجی مارے گئے، اس کے علاوہ ہفتے کو پورے ملک میں مزید 35 باغی سرکاری فوج سے لڑائی کے دوران مارے گئے۔