لیبیا پاکستانی نژاد 2 برطانوی سماجی کارکنان کو اجتمائی زیادتی کا نشانہ بنایا گیا

دونوں خواتین اپنے والد کے ہمراہ ترکی کی ایک این جی او کی جانب سے فلسطین کے لئے بھیجے گئے امدادی وفد میں شامل تھیں۔ فوٹو: فائل

---

لیبیا کے شہر بن غازی میں پاکستانی نژاد 2 برطانوی سماجی کارکن خواتین کو اجتمائی زیادتی کا نشانہ بنایا گیا۔

لیبیا کے نائب وزیراعظم نے کہا کہ دونوں خواتین کو بن غازی میں ان کے والد کے سامنے اجتمائی زیادتی کا نشانہ بنایا گیا، اس واقعے کی جتنی بھی مذمت کی جائے کم ہے، دونوں خواتین اپنے والد کے ہمراہ ترکی کی ایک این جی او کی جانب سے فلسطین کے لئے بھیجے گئے امدادی وفد میں شامل تھیں۔

فلسطین جانے والے اس وفد کو لیبیا سے مصر میں داخل ہونے سے روک دیا گیا تھا لہذاٰ خواتین اور ان کے والد دیگر 2 برطانوی افراد کے ہمراہ برطانیہ واپس جانے کے لئے ایئرپورٹ جا رہے تھے کہ راستے میں 5 نامعلوم افراد نے انہیں اغوا کر لیا اور خواتین کو زیادتی کا نشانہ بنایا۔

مغربی سفارتی ذرائع نے خواتین کے اغوا کی تصدیق کرتے ہوئے کہا کہ ابھی یہ کہنا قبل ازوقت ہو گا کہ خواتین کو زیادتی کا نشانہ بنایا بھی گیا یا نہیں، حتمی بات کا تعین میڈیکل رپورٹس کے آنے کے بعد ہی کیا جا سکے گا۔ زرائع نے بتایا کہ اس واقعے کے حوالے سے کچھ لوگوں کو حراست میں بھی لیا گیا ہے۔