ہریتھیک روشن نے رنویر سنگھ کی چھٹی کرادی

زخمی ہونے کی وجہ سے رنویر سنگھ کو بڑے معاوضے سے ہاتھ دھونا پڑیں گے۔

ویب ڈیسک April 02, 2018

زخمی ہونے کی وجہ سے رنویر سنگھ کو بڑے معاوضے سے ہاتھ دھونا پڑیں گے۔ فوٹو: فائل

DINARD: بالی ووڈ کے ایکشن ہیرو ہریتھیک روشن نے رنویر سنگھ کی آئی پی ایل میں پرفارمنس سے چھٹی کرادی۔

بھارتی میڈیا رپورٹس کے مطابق انڈین پریمیئر لیگ (آئی پی ایل ) کی افتتاحی تقریب میں ڈانس پرفارمنس سے قبل ہی رنویر سنگھ فٹبال میچ میں اپنا بازو تڑوا بیٹھے جس وجہ سے انہیں صرف 15 منٹ کی پرفارمنس پر 15 کروڑ روپے معاوضہ ملنا تھا لیکن زخمی ہونے کے بعد ڈاکٹرروں کی جانب سے اداکار کو سختی سے آرام کا مشورہ دیا گیا ہے۔

رپورٹس کے مطابق رنویر سنگھ کی جاندار پرفارمنس اور اینرجی کو دیکھتے ہوئے اُن کی جگہ دنیا کے پرکشش اداکار ہونے کا اعزاز پانے والے ہریتھیک روشن کو منتخب کیا گیا ہے۔

Time to create Dhoom ! @shiamakindia @Shiamakofficial with the one n only @iHrithik #ipl2018 pic.twitter.com/8DmugJ7CKR
— Rajesh Mansukhani (@rajeshmumbairaj) April 2, 2018

دوسری جانب راجیش منسوخانی کی جانب سے سماجی رابطے کی ویب سائٹ پر ایک تصویر پوسٹ کی گئی جہاں انہوں نے ہریتھیک روشن کی آئی پی ایل میں پرفارمنس کی تصدیق کرتے ہوئے کہا کہ 'دھوم مچانے کا وقت آگیا ہے'۔

واضح رہے کہ رنویر سنگھ کے زخمی ہونے کی وجہ سے فلم ' گلی بوائے' کی شوٹنگ روک دی گئی ہے جب کہ آئی پی ایل کے 11 واں سیزن 7 جنوری سے شروع ہو رہا ہے۔