مسلم لیگ ن کے ایم این اے بلال ورک تحریک انصاف میں شامل

تحریک انصاف نے ایک ہی دن میں 3 وکٹیں اڑادیں۔

ویب ڈیسک April 14, 2018

تحریک انصاف نے ایک ہی دن میں 3 وکٹیں اڑادیں۔ - فوٹو :سوشل میڈیا

شیخوپورہ سے مسلم لیگ (ن) کے رکن قومی اسمبلی بلال ورک نے تحریک انصاف میں شمولیت اختیار کرلی۔

ایکسپریس نیوز کے مطابق شیخوپورہ سے مسلم لیگ (ن) کے رکن قومی اسمبلی بلال ورک نے بنی گالہ میں چیرمین پی ٹی آئی عمران خان سے ان کی رہائش گاہ پر ملاقات کی اور تحریک انصاف میں شمولیت اختیارکرنے کا اعلان کیا۔

3 wickets fall in 1 day :-

Bilal Virk, sitting MNA of PMLN
Nasir Musazai, NA-4 Runner-up candidate of PMLN
And Chaudhary Zaheer Ud Din joins #PTI pic.twitter.com/yl5P1IxvvD
— PTI (@PTIofficial) April 14, 2018

دوسری جانب مسلم لیگ (ن) کے ایک اور رہنما ناصر موسی زئی نے بھی عمران خان سے ملاقات کے بعد پی ٹی آئی میں شمولیت کا اعلان کردیا۔ ناصر موسی زئی این اے فور سے مسلم لیگ (ن) کے قومی اسمبلی کے امیدوار تھے۔

ادھر مسلم لیگ (ق) کے رہنما چوہدری ظہیر الدین نے بھی چیئرمین پی ٹی آئی سے ملاقات کی اور پارٹی میں شمولیت کا اعلان کیا۔ عمران خان نے تینوں رہنماؤں کی ساتھیوں سمیت پارٹی میں شمولیت کا خیر مقدم کیا۔