اس مرتبہ ن لیگ سے پنجاب بھی چھین لیں گے آصف زرداری

پیپلزپارٹی لاہور اور پنجاب میں ہر سیٹ پر الیکشن لڑے گی، بلوچستان میں بھی حکومت بنائیں گے، سابق صدر

News Agencies/Numainda Express April 26, 2018

ن لیگ نے جوبویا وہی کاٹ رہی ہے، منافقت عوام کے سامنے آچکی ہے، لاہورمیں ملاقاتیں۔ فوٹو:فائل

سابق صدر آصف زرداری نے کہاہے کہ اس مرتبہ پنجاب بھی ن لیگ سے چھین لیں گے۔

آصف زرداری نے کہا ہے کہ اس مرتبہ پنجاب بھی ن لیگ سے چھین لیں گے، کوئی خوش فہمی میں نہ رہے، پیپلز پارٹی ہر سیٹ پر الیکشن لڑے گی اور کامیابی حاصل کرے گی، پیپلز پارٹی ایک منجھی ہوئی سیاسی جماعت ہے اور اس کی ملک بھر میں جڑیں ہیں۔

آصف زرداری نے بلاول ہاؤس لاہور میں پی پی رہنماؤں عزیزالرحمن چن اور اورنگزیب برکی کے ساتھ ملاقات کی، عزیزالرحمن چن نے زرداری کو لاہور کے متوقع امیدواروں کی فہرست بھی دی جس پر زرداری نے کہاکہ وہ کارکنوں سے ملیں گے۔ کوئی خوش فہمی میں نہ رہے پیپلزپارٹی لاہور اور پنجاب میں ہر سیٹ پر الیکشن لڑے گی بلوچستان میں آئندہ حکومت پیپلزپارٹی کی ہوگی، لوگ مخالفین کے جھوٹ کو ماننے کو تیار نہیں یہ گردوغبار بہت جلد بیٹھ جائے گا، لوگوں کو سیاسی رواداری کاثبوت دیناچاہیے۔