حکومتی مدت ختم ہونے تک آئی جی کو نہیں ہٹائیں گے صوبائی وزیر داخلہ

گریڈ17تک کے پولیس افسران کے تبادلے و تقرری کا اختیار آئی جی کے پاس ہے، سہیل انور سیال

Staff Reporter April 27, 2018

پولیس ایکٹ میں ترمیم سے متعلق ڈرافٹ تیارکرکے پولیس کو دیا گیااگرکسی چیز پرتحفظات ہیں تو اس کی نشاندہی کی جائے۔ فوٹو : پی پی آئی

وزیرداخلہ سہیل انوار سیال نے کہا ہے کہ حکومت کی آئینی مدت ختم ہونے تک آئی جی سندھ کوعہدے سے ہٹایا یا تبدیل نہیں کیا جائے گا۔

ڈی آئی جی غربی کے دفتر میں ایڈیشنل آئی جی کراچی مشتاق مہر کے ہمراہ صحافیوں سے بات چیت کرتے ہوئے کہا کہ پولیس ایکٹ میں ترمیم سے متعلق ڈرافٹ تیارکرکے پولیس کو دیا ہے اگرپولیس کوکسی چیز پرتحفظات ہیں تو اس کی نشاندہی کی جائے تاکہ مل کر حل کرلیا جائے، ایسا قانون بنارہے ہیں جو سب کے لیے قابل قبول ہو، 28 مئی تک سندھ پولیس میں بھرتیاں اور تبادلے نہیں کیے جائیں گے۔ ایڈیشنل آئی جی سندھ سی ٹی ڈی ثنا اللہ عباسی ،ڈی آئی جی غربی عامر فاروقی اور دیگر پولیس افسران بھی موجود تھے۔

وزیر داخلہ نے کہا کہ پولیس ایکٹ کے حوالے سے گزشتہ روز سے عجیب صورتحال پیدا ہوگئی،اس ایکٹ کے خلاف تمام منفی پہلواٹھا اٹھا کرپیش کیے جارہے ہیں،وزیر قانون کی سربراہی میں پولیس ایکٹ کے حوالے سے ڈرافٹ تیارکیا جائے گا ،یہ کہا جارہا ہے کہ آئی جی سندھ سے جے آئی ٹی کے اختیارات چھین لیے گئے ہیں، کسی بھی جے آئی ٹی کے خط کی کاپی اٹھا کردیکھ لیں تومعلوم ہوجائے گا۔

محکمہ داخلہ جے آئی ٹی بناتا ہے اوراس کی ایک بنیادی وجہ جے آئی ٹی میں پولیس کے علاوہ دیگرقانون نافذ کرنے والے اداروںکے نمائندے بھی شامل ہوتے ہیں،اس لیے آئی جی سندھ کے پاس جے آئی ٹی بنانے کا کوئی اختیارنہ پہلے تھا نہ اب ہے۔

انھوں نے بتایا کہ ڈرافٹ میں ٹرانسفرپوسٹنگ کا اختیار حکومت کے پاس بھی نہیں ہے، اعلیٰ سطح کی اتھارٹی بنائی گئی ہے جس کے سربراہ رٹائر ہائی کورٹ کے جج ہوں گے یا پھر 21 گریڈ کے رٹائر افسرہوگا، حکومت سندھ کا اس میں کوئی عمل دخل نہیں،یہ کہا جا رہا ہے کہ آئی جی سے ٹرانسفر پوسٹنگ چھین لی گئی ہے،گریڈ17 تک پولیس افسران کی ٹرانسفر پوسٹنگ کا اختیار آئی جی سندھ کے پاس موجود ہے۔

محکمہ پولیس اپنی سفارشات پیش کرے گا اور یہ معاملہ ابھی آگے چلنا ہے،ان کا کہنا تھا کہ اگر کوئی درخواست گزار یہ کہے کہ اسے پولیس کی تفتیش پراعتبار نہیں ہے جس پر وزارت داخلہ کو یہ اتھارٹی دی گئی ہے کہ وہ انکوائری کسی اور سے بھی کراسکتا ہے،آئی جی سندھ صرف اپنے محکمہ سے تحقیقات کرا سکتا ہے،ایک ایسا نظام لایا جا رہا ہے جو پولیس پرچیک اینڈ بیلنس رکھ سکے۔

وزیر داخلہ کا کہنا ہے کہ 28 مئی سندھ حکومت کا آخری دن ہے اپنی پارٹی کی جانب سے یہ اعلان کرتا ہوں کہ 28 مئی آئی جی سندھ اے ڈی خواجہ کو نہیں ہٹایا جارہا ہے اور نہ ہی تبدیل ہو گا اور وہ یہ بھی وعدہ کرتے ہیں28 مئی تک کوئی ٹرانسفر پوسٹنگ نہیں کریں گے ۔

ان کا کہنا ہے کہ ایک ایسا مکینزم بننا ضروری ہے کہ سب کا چیک اینڈ بیلنس ہو پولیس بھی ایک لاکھ 25 ہزار سے زائد فورس ہے جس کے پاس ہتھیار ہیں جو عام معاشرے میں گھومتے پھرتے ہیں،پولیس فورس نہیں ہے پولیس سروسز ہے،کیوں کہ ایک کانسٹبیل سے لے کر آئی جی سندھ تک وہ عوام سے رابطے میں ہوتے ہیں۔

وزیر داخلہ نے مزید کہا کہ خواجہ آصف کو نااہل قرار دینے کا فیصلہ پڑھا نہیں ہے ، عدالت نے جو فیصلہ کیا ہوگا، سوچ سمجھ کر کیا ہوگا،ان کا کہنا ہے کہ اقامہ تو میرے پاس بھی ہے جو الیکشن کمیشن میں ڈکلیئر ہے خواجہ آصف نے شاید اقامہ الیکشن کمیشن میں ڈکلیئر نہیں کیا ہو گا۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

حکومتی مدت ختم ہونے تک آئی جی کو نہیں ہٹائیں گے صوبائی وزیر داخلہ

انٹرٹینمنٹ

بھارتی شوبز خاندان کے خلاف پولیس نے مقدمہ درج کرلیا

نیلم منیر کے شوہر پاکستانی نکلے: پہلی ملاقات کہاں ہوئی؟ دیور نے راز فاش کر دیا

"فلم میمی کے جذباتی سین کے دوران خود پر قابو نہ رکھ سکی"، کریتی سینن کا انکشاف

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین

حکومتی مدت ختم ہونے تک آئی جی کو نہیں ہٹائیں گے صوبائی وزیر داخلہ

ہمارے ساتھ شامل ہوں

مقبول خبریں

انٹرٹینمنٹ

بھارتی شوبز خاندان کے خلاف پولیس نے مقدمہ درج کرلیا

نیلم منیر کے شوہر پاکستانی نکلے: پہلی ملاقات کہاں ہوئی؟ دیور نے راز فاش کر دیا

"فلم میمی کے جذباتی سین کے دوران خود پر قابو نہ رکھ سکی"، کریتی سینن کا انکشاف

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین