امریکی صدر کو احمق نہیں کہا وائٹ ہاؤس کے افسر کی تردید

امریکی صدر نے گزشتہ برس رائنس پریبس کو برطرف کر کے جان کیلی کو چیف آف اسٹاف مقرر کیا تھا۔ فوٹو : فائل

---

وائٹ ہاؤس کے چیف اسٹاف جان کیلی نے اپنے وضاحتی بیان میں کہا ہے کہ امریکی صدر ڈونلڈ ٹرمپ کے ساتھ خوشگوار، مضبوط اور سچا تعلق ہے۔

بین الاقوامی خبر رساں ایجنسی کے مطابق وائٹ ہاؤس اسٹاف کے چیف جان کیلی نے امریکی صدر ڈونلڈ ٹرمپ کو احمق کہنے کے الزام کی تردید کرتے ہوئے کہا ہے کہ امریکی صدر کے ساتھ بہترین تعقات قائم ہیں اور اس تعلق میں کمی نہیں آئی ہے، ایسا ممکن نہیں ہے کہ اس تعلق کو کسی نازیبا لفظ کی نذر کردیا جائے۔

دوسری جانب امریکی میڈیا میں ڈونلڈ ٹرمپ اور وائٹ ہاؤس کے چیف اسٹاف جان کیلی کے درمیان تعلقات میں تناؤ کی خبروں اور جان کیلی کی برطرفی کی خبروں کے شائع ہونے پر امریکی صدر ڈونلڈ ٹرمپ نے اپنی ٹویٹ میں جھوٹی خبروں اور نامعلوم ذرائع سے بے بنیاد خبریں شائع کرنے پر شدید تنقید کی ہے۔

The Fake News is going crazy making up false stories and using only unnamed sources (who don’t exist). They are totally unhinged, and the great success of this Administration is making them do and say things that even they can’t believe they are saying. Truly bad people!

— Donald J. Trump (@realDonaldTrump) April 30, 2018

واضع رہے کہ اس سے قبل امریکی صدر کے وزیر خارجہ ریکس ٹلرسن کے درمیان شدید تناؤ ریکسن کے استعفی پر جا کر ختم ہوا تھا اور جان کیلی کے حوالے سے بھی کہا رہا ہے کہ امریکی صدر اُن سے بھی استعفٰی لے لیں گے۔ امریکی صدر نے گزشتہ برس رائنس پریبس کو عہدے سے ہٹا کر جنرل ریٹائرڈ جان ایف کیلی کو اپنا نیا چیف آف اسٹاف مقرر کیا تھا۔