کرکٹ آسٹریلیا کی جانب سے انکار پر بنگلادیشی حکام کا دل ٹوٹ گیا

آسٹریلیا جیسے بورڈ کو نفع نقصان سے ہٹ کر ٹیموں کی میزبانی کرنا چاہیے،نظام الدین چوہدری

Sports Desk May 11, 2018

آسٹریلیا جیسے بورڈ کو نفع نقصان سے ہٹ کر ٹیموں کی میزبانی کرنا چاہیے،نظام الدین چوہدری۔ فوٹو : فائل

کرکٹ آسٹریلیا کی جانب سے رواں برس بنگال ٹائیگرز کی میزبانی سے انکار پر بنگلادیشی حکام کا دل ہی ٹوٹ گیا۔

بی سی بی کے چیف ایگزیکٹیو نظام الدین چوہدری نے کہا کہ آسٹریلیا جیسے بورڈ کو نفع نقصان سے ہٹ کر ٹیموں کی میزبانی کرنا چاہیے، ہم بھی کچھ ٹورز میں نفع نہ ہونے کے باوجود بعض ٹیموں کی میزبانی کرتے ہیں، انھوں نے مثال دی کہ جب پاکستان، بھارت، انگلینڈ اور آسٹریلیا کی ٹیمیں بنگلادیش کا رخ کرتی ہیں تب ہی انھیں منافع ہوتا ہے۔

واضح رہے کہ بنگلادیش کی جانب سے ٹور کی اس طرح منسوخی کو بھی توہین آمیز قرار دیا جارہا ہے۔