- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
اگلی میٹنگ کو مزید بامقصد بنانے کیلئے شرکا کو کافی پیش کیجئے
سان فرانسسكو: کسی میٹنگ یا منصوبہ بندی کے مباحثے کے دوران اگر تمام شرکا کافی پئیں تو اس کے بہت اچھے اثرات مرتب ہوتے ہیں۔
ایک نئی تحقیق سے معلوم ہوا ہے کہ میٹنگ میں کافی پینے والے افراد گفتگو میں گہری توجہ دیتے ہیں اور خود کو بھی اس میٹنگ میں اہم تصور کرتے ہیں۔
اس سے قبل ماہرین کافی کے دماغ پر اثرات پر بہت کچھ تحقیق کرچکے ہیں لیکن یونیورسٹی آف کیلیفورنیا، ڈیوس نے پہلی مرتبہ ایک مطالعہ کرکے کسی گروہ کی ذہنی و دماغی صلاحیت پر کافی کے اثرات نوٹ کیے ہیں۔ یہ تحقیق یونیورسٹی میں شعبہ مینیجمنٹ کے ڈین راؤ اناوا اور ان کی بیگم واسو اناوا نے کی ہے جس کا لبِ لباب یہ ہے کہ کسی گروہ کو کافی پیش کی جائے تو میٹنگ بہت ثمرآورثابت ہوسکتی ہے۔ ماہرین نے اس کی مکمل روداد ’جرنل آف سائیکوفارماکولوجی‘ میں شائع کرائی ہیں۔
اس کے لیے ماہرین نے ایک یونیورسٹی کے 70 انڈرگریجویٹ طلبا و طالبات کو شامل کیا۔ ان میں سے آدھے لوگوں کو ایک موضوع ’اوکیوپائی موومنٹ‘ پر بحث اور اس کے ممکنہ حل پرتجاویز کے لیے بلایا اوربحث سے 30 منٹ قبل انہیں کافی پیش کی گئی۔ دوسرے گروپ کو گفتگو ختم کرنے کے بعد کافی پلائی گئی۔ واضح رہے کہ اوکیوپائی موومنٹ وہ بین الاقوامی تحریک ہے جس کے تحت لوگ سماجی اور معاشی انصاف چاہتے ہیں اور آئے دن مظاہرے بھی کرتے رہتے ہیں۔
جن طلبا و طالبات نے کافی پی کر گفتگو شروع کی انہوں نے بحث کو مثبت بتایا اور وہ اپنے کردار سے بھی مطمئن نظر آئے۔ دوسری جانب دوسرے گروپ میں ایسی سرگرمی نہیں دیکھی گئی۔ تاہم یہ اب یہ معلوم کرنا تھا کہ یہ اثر کافی سے ہوا ہے یا پھر اس میں موجود کیفین اس کی وجہ ہے۔
اس بار دوسرے تجربے میں تمام شرکا کو میٹنگ سے قبل کافی دی گئی لیکن بعض کافی کیفین والی اور کچھ پیالیاں بغیر کیفین کی تھیں۔ اس بار جن خواتین و حضرات کو کیفین والی کافی پلائی گئی وہ میٹنگ میں چاق و چوبند رہے اور دوسروں کے مقابلے میں پوری ملاقات کو بہتر اور مثبت قرار دیا۔ انہی شرکا نے اپنے گروپ کے ساتھ مزید کام کرنے کو ترجیح دی۔
اس پوری میٹنگ میں لوگوں کی آواز کو بھی ریکارڈ کیا گیا تھا اور جن افراد نے کیفین والی کافی نوش کی تھی انہوں نے بہت اہم اور متعلقہ نکات اٹھائے تھے۔
ماہرین اس کی وجہ یہ بھی بتارہے ہیں کہ کافی لوگوں کو چاق و چوبند بناتی ہے اور کسی گروپ ڈسکشن میں اس کا استعمال بہت مفید ثابت ہوسکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔