- جعلی حکومت کو اقتدار میں رہنے نہیں دیں گے، مولانا فضل الرحمان
- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا میں طوفانی بارشوں سے ہلاکتیں 59 ہوگئیں، 72 زخمی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
ٹی بی کے خلاف ادویہ میں وٹامن سی کے مؤثر کردار کا انکشاف
نیویارک: ٹی بی کے بروقت علاج کی صورت میں بھی یہ بیماری چھ ماہ سے کئی برس کی ادویہ باقاعدگی سے کھانے کے بعد ہی دور ہوتی ہے۔ اب انکشاف ہوا ہے کہ تپِ دق کے خلاف ادویہ کے ساتھ ساتھ اگر وٹامن سی کی مناسب خوراک کھائی جائے تو ادویہ کی تاثیر بڑھنے سے مریض کو بہت افاقہ ہوتا ہے۔
نیویارک میں واقع البرٹ آئن اسٹائن کالج آف میڈیسن کے ماہرین نے کہا ہے کہ وٹامن سی کے بہت سے طبی فوائد ہیں اور اب ایک نئے مطالعے سے معلوم ہوا ہےکہ وٹامن سی ٹی بی کی معروف دواؤں کی افادیت بڑھا دیتا ہے۔ اس کے علاوہ وٹامن سی اس مرض کی علاج کی مدت کو بھی کم کرتا ہے۔
ماہرین نے اسے چوہوں اور زندہ انسانی بافتوں (ٹشوز) پر آزمایا ہے۔ پہلے تجربے میں ٹی بی میں مبتلا چوہے لیے گئے اور انہیں تین طرح کی خوراکیں دی گئیں۔ یہ خوراکیں صرف وٹامن سی، صرف ٹی بی کے خلاف ادویہ اور ٹی بی کی ادویہ کے ساتھ وٹامن سی بھی دیا گیا ۔ اس طرح 4 اور 6 ہفتوں بعد چوہوں کا معائنہ کیا گیا۔
ماہرین نے انکشاف کیا کہ جن چوہوں کو صرف وٹامن سی دیا گیا ان پر کوئی اثر نہیں ہوا، تاہم ٹی بی کی مشہور دوائیں، آری فیمبیسائن، اور آئسونائزڈ کو جب وٹامن سی کے ساتھ کھلایا گیا تو بغیر وٹامن سی والی دواؤں کے مقابلے میں اس نے سب سے تیزی سے ٹی بی کو ختم کیا اور اس کے بہترین نتائج سامنے آئے۔
اسی طرح تجربہ گاہ میں ٹشوز پر بھی دواؤں کے ساتھ وٹامن سی کا بھرپور اثر ہوا اور مرض ٹھیک ہونے کی مدت ایک ہفتے تک جاپہنچی ۔ اس طرح یہ بات سامنے آئی کہ وٹامن سی ٹی بی کی دواؤں کو بہت مؤثر بنادیتا ہے۔
واضح رہے کہ ٹی بی کی ایک مشکل قسم وہ ہے جس میں ٹی بی کئی اقسام کی دواؤں کو بے اثر بنادیتی ہے جس کے علاج میں برسوں لگ جاتے ہیں اور ساتھ میں دواؤں کے خوفناک سائیڈ افیکٹس بھی ہوتے ہیں۔ ماہرین کا خیال ہے وٹامن سی ٹی بی کے جراثیم مارنے میں اہم کردار ادا کرتا ہے۔
ٹی بی کی روک تھام اور کامیاب علاج کے باوجود بھی دنیا بھر میں ہر سال لاکھوں افراد اس مرض کے ہاتھوں لقمہ اجل بن رہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔