تحریک انصاف کی انتخابی مہم کیلیے گلوکار فرحان سعید کا انتخاب

میں شکرگزار ہوں کہ انتخابی مہم کا آفیشل گانا گانے کے لیے مجھ پر بھروسہ کیا گیا، فرحان سعید

شوبز رپورٹر جمعرات 28 جون 2018

میں شکرگزار ہوں کہ انتخابی مہم کا آفیشل گانا گانے کے لیے مجھ پر بھروسہ کیا گیا فوٹو : فائل

لاہور: پاکستان تحریک انصاف کی انتخابی مہم کیلیے گلوکار فرحان سعید کا انتخاب کرلیا گیاہے۔

گلوکار فرحان سعید کارکنوں اور ووٹروں کا لہو گرمانے کے لیے پارٹی کا نیا آفیشل گیت ریکارڈ کرائیں گے۔ اس سلسلہ میں فرحان سعید نے بنی گالا میں چیئرمین پی ٹی آئی عمران خان سے ملاقات کی اور الیکشن مہم 2018 کا آفیشل گانا گانے کے لیے ان پر اعتماد کرنے پر شکریہ ادا کیا۔

فرحان سعید کا کہنا ہے کہ وہ عمران خان اور پی ٹی آئی کے شکرگزار ہیں کہ انتخابی مہم کا آفیشل گانا گانے کے لیے ان پر بھروسہ کیا گیا۔