- گورنر اور وزیراعلیٰ خیبرپختونخوا میں لفظی جنگ شدید، ایک دوسرے کو دھمکیاں
- اذلان شاہ ہاکی ٹورنامنٹ کے فائنل میں جاپان نے پاکستان کو شکست دے دی
- ساڑھے تین ہزار نان فائلرز کی سمز بلاک، 5 ہزار کو خبردار کردیا گیا
- مردار جانور کا 10 من گوشت لاہور منتقل کرنے کی کوشش ناکام
- انٹربورڈ کراچی نے سالانہ امتحانات کا شیڈول جاری کردیا
- کراچی میں گرمی کی لہر پیر تک برقرار رہنے کا امکان
- فیض آباد دھرنا کیس؛ سپریم کورٹ نے رپورٹ ٹی او آرز کے برخلاف قرار دے دی
- کھانے میں اضافی نمک چھڑکنے والے ہوجائیں ہوشیار!
- چین کے صحرا میں اونٹوں کیلئے ٹریفک سگنلز نصب
- بلوچستان؛ پوست کی کاشت کے خلاف کارروائی، ملزمان کے حملے میں 6اہلکار زخمی
- پاکستان میں حالیہ 24.8 فیصد مہنگائی اگلے سال 12.7 فیصد پر آنے کا امکان ہے، آئی ایم ایف
- شیر شاہ کباڑی مارکیٹ میں اسکریپ کی دکانوں کی بندش پر حکومت کو نوٹس
- حکومت نے آئی ایم ایف کو بجلی، گیس نرخوں میں اضافے کی یقین دہانی کروا دی
- شاداب کو رنز پڑرہے تھے تو افتخار، صائم کو اوورز کیوں نہ دیئے! شائقین
- کم عمر لڑکیوں کا نکاح : لاہور ہائیکورٹ کا نکاح رجسٹرار کے خلاف کارروائی کا حکم
- سعودی ولی عہد محمد بن سلمان کا دورہ پاکستان موخر ہوگیا
- جو معافی کا کہہ رہے ہیں وہ ہم سے معافی مانگیں، عمر ایوب
- زرتاج گل کا نام ای سی ایل سے نکالنے کیلیے سیکریٹری داخلہ کو نوٹس جاری
- حج سیزن میں ڈرونز اور فضائی ٹیکسیاں استعمال ہوں گی:سعودی وزیر ٹرانسپورٹ
- قلیل ترین مدت میں کھڑکیاں صاف کرنے کا عالمی ریکارڈ قائم
کھیل کے میدان میں مد مقابل کھلاڑی سیاسی میدان میں بھی آمنے سامنے
پشاور: خیبرپختونخوا اسمبلی کے حلقہ پی کے 75 سے اسکواش کے سابق عالمی چیمپئن قمر زمان خیبرپختونخوا اولمپک ایسوسی ایشن کے صدر سیدعاقل شاہ سے انتخابی دنگل لڑیں گے۔
کھیل کے میدان کے کھلاڑی اب سیاسی میدان کے حریف بن گئے ہیں، اسکواش کی دنیا کے فاتح عالمی چیمپئین قمر زمان مسلم لیگ نواز کے ٹکٹ پر پی کے 75 سے سیاسی میدان میں اترے ہیں، انتخابی دنگل میں قمرزمان کا مقابلہ خیبرپختونخوا اولمپک ایسوسی ایشن کے صدر سید عاقل شاہ سے ہے، جو اے این پی کے ٹکٹ پر تیسری بار سیاسی اکھاڑے میں اترے ہیں۔
اسکواش کورٹ میں گھومتی گیندوں سے مخالف کھلاڑی کو پریشان کرنے والے قمر زمان اب سیاسی میدان میں اپنے حریفوں کو للکار رہے ہیں، ان کا کہنا ہے کہ فیصلہ عوام کا ہوگا، عمران خان نے 10 کھلاڑیوں کے ساتھ مل کر پاکستان کو ورلڈ چیمپئین بنایا ہے اور میں نے اکیلے لڑ کر پاکستان کو دو بار ورلڈ چیمپئین بنایا، پاکستان کے لیے میری جو خدمات ہیں، وہ عوام کے سامنے ہیں خودساختہ کھلاڑی میرا کیسے مقابلہ کریں گے۔
2008 کے الیکشن میں کامیابی کے بعد عاقل شاہ وزیر کھیل بنے، خیبرپختونخوا اولمپک ایسوسی ایشن کے صدر سید عاقل شاہ نے بھی لنگوٹ کس لیے ہیں، ان کا کہنا ہے کہ سیاسی بساط کے مقابلے کو کھیل نہ سمجھا جائے میں نے کئی بار قمر زمان کو کہا ہے کہ یہ اسکواش کا کورٹ نہیں یہ سیاست ہے، ملک اور صوبے میں کھیلوں کے لیے جو خدمات میری ہیں وہ شاید کسی کی ہوں، پی کے 75 میں ان دو کھلاڑیوں کے مدمقابل راہ حق پارٹی کے ابراہیم قاسمی، پیپلزپارٹی کے مصباح الدین اور پی ٹی آئی کے ملک واجد اللہ بھی میدان میں ہیں۔ اسی حلقے سے 2002 میں راہ حق پارٹی کے ابراہیم قاسمی آزاد حیثیت سے الیکشن میں کامیابی حاصل کرچکے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔