قاضی احمد زمیندار کے نوجوان بیٹے کا اغوا مزاحمت پر باپ شدید زخمی

واقعے کیخلاف دکانداروں نے کاروبار بند کرکے قومی شاہراہ پر دھرنا دیا۔

---

آج صبح 8 بجے سفید رنگ کی کار میں سوار 4 نامعلوم مسلح افراد نے قاضی احمد کے مشہور سنار اور زمیندار رسول بخش بھٹی کو زمینوں سے واپس شہر کی طرف آتے ہوئے لنک روڈ سے اغوا کرنے کی کوشش کی۔

مزاحمت پر اسے شدید تشدد کا نشانہ بنایا اور اس کے نوجوان بیٹے ممتاز بھٹی کو زبردستی کار میں ڈال کر فرار ہوگئے۔ واقعے کیخلاف دکانداروں نے کاروبار بند کرکے قومی شاہراہ پر دھرنا دیا۔



انھوں نے مغوی کی فوری رہائی کا مطالبہ کیا، پولیس کی یقین دہانی پر احتجاج ختم کردیا گیا۔ قاضی احمد پولیس نے علاقے کی ناکہ بندی کرکے ملزمان کی تلاش کے لیے چھاپے مارے، تاہم کوئی گرفتاری عمل میں نہ آسکی ۔ شہر میں خوف و ہراس کی فضا پیدا ہوگئی ہے۔