تلہار دھاندلی کے الزام میں فنکشنل لیگی امیدوار بھائی سمیت گرفتار

گرفتاری فوج کے جوانوں نے کرم خان دلوانی پولنگ اسٹیشن سے کی، رہائی کیلیے پارٹی کارکنوں نے تھانے کا گھیراؤ کرلیا.. فوٹو فائل

---

تلہار کے مختلف پولنگ بوتھوں پر دھاندلی کے الزام میں پی ایس 56 سے فنکشنل لیگ کے امیدوار ناصر خان نظامانی اور ان کا بھائی آرمی کے ہاتھوں گرفتار۔

تلہار تھانے منتقل، فنکشنل لیگ کے سیکڑوں کارکنوں کا تھانے کا گھیراؤ، راجو خانانی پولنگ اسٹیشن اور کھڈرو پولنگ اسٹیشن پر جھگڑا اور فائرنگ، تفصیلات کے مطابق پی ایس 56سے فنکشنل لیگ کے امیدوار ناصر خان نظامانی کو دھاندلی کے الزام میں کرم خان دلوانی پولنگ اسٹیشن سے آرمی کے جوانوں نے گرفتار کرکے تلہار تھانے لے آئے۔



جبکہ اس سے پہلے مذکورہ امیدوار کے بھائی حاجی عنایت نظامی کو بھی راجو خانانی پولنگ اسٹیشن سے گرفتار کیا گیا تھا، مذکورہ امیدوار کی رہائی کے لیے سیکڑوں کارکنوں نے تھانے کا گھیراؤ کرکے احتجاجی مظاہرہ کیا اور نعرے لگائے اور کچھ دیر بعد فنکشنل لیگ کے امیدوار کو آزاد کر لیا گیا۔ اس سے قبل تلہار کے مختلف پولنگ اسٹیشنوں پر جھگڑے اور فائرنگ کے واقعات پیش آئے۔

فائرنگ سے3 افراد بھی زخمی ہوگئے، راجو خانی کرو خان دلوانی، جمالی پھڑدو، کھڈرو، گورنمنٹ گرلس ہائی اسکول لیڈیز پولنگ بوتھ پر کئی گھنٹوں تک ووٹ کاسٹ کرنے نہیں دیے گئے۔