- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، قاضی فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
یوم آزادی؛ شہر روشنیوں میں نہا گیا، عمارتیں برقی قمقموں سے سجا دی گئیں
کراچی: زندہ قومیں اپنے قومی تہوار شایان شان طریقے سے مناتی ہیں اور پاکستانی قوم نے بھی آج ملی جوش و جذبے کے ساتھ اپنا یوم آزادی منانے کے لیے بھرپور تیاریاں کرلی ہے۔
شہر کی عمارتوں کو بھی برقی قمقموں اور قومی پرچموں سے سجادیا گیا ہے جس سے پورا شہر رنگ و نور میں نہاگیا ، مزار قائد ، سندھ سیکریٹریٹ ، سندھ اسمبلی ، میٹرک بورڈ آفس ، اسٹیٹ بینک کے دفاتر ، کے پی ٹی ہیڈ آفس ، حبیب بینک پلازہ ، ایم سی بی پلازہ ، سندھ اسمبلی ، سوک سینٹر ، ہائی کورٹ سمیت مختلف کورٹس کی عمارات ، شارع فیصل پر قائم عمارتیں ،ڈاکٹر ضیا الدین روڈ پر فائیو اسٹار ہوٹلوں اور آئی آئی چندریگر روڈ پر قائم بینکوں کے مرکزی دفاتر اور سرکاری عمارتوں پر قومی پرچم کے رنگوں کی مناسبت سے برقی قمقموں کے ذریعے چراغاں کیا گیا ہے۔
رات گئے تک نوجوانوں کی ٹولیاں ، خواتین ، بزرگ،بچے سڑکوں پر رہے اور ان عمارات کو دیکھنے کے لیے جوق در جوق پہنچتے رہے ، پورے شہر میں قومی پرچموں کی بہار آگئی ہے ، گھر ، فلیٹس ، سرکاری و نجی عمارتیں غرض جہاں دیکھو وہاں قومی پرچم ہی نظر آرہے ہیں ، بچوں نے گھروں کو جھنڈیوں سے سجایا ، گلی محلے سجانے کی ذمے داری نوجوانوں نے پوری کی ، مختلف تنظیموں کی جانب سے بلند و بالا اور کئی کئی فٹ لمبے قومی پرچم بنائے گئے۔
شہریوں نے گاڑیوں میں بھی سائونڈ سسٹم پر قومی ترانے چلائے،شہر میں قائم مختلف چورنگیوں کو بھی خوبصورت روشنیوں کے ذریعے سجایا گیا ، نوجوان موٹر سائیکلوں پر گھومتے رہے اور کئی نوجوانوں نے سائلنسر ہی نکال دیے اور سڑکوں پر ہلڑ بازی کرتے رہے۔
اس موقع پر مختلف تنظیموں کی جانب سے شہر کے مختلف مقامات پر کیمپ بھی لگائے گئے جہاں سائونڈ سسٹم پر قومی ترانے بجتے رہے جس کی دھن پر نوجوان اور بچے دیوانہ وار رقص کرتے رہے، بیکریوں میں خصوصی کیک بھی تیار کیے گئے جوکہ شہریوں نے ایک دوسرے کو بطور تحفہ بھی پیش کیے ، غرض یہ کہ پاکستانی قوم اپنا جشن آزادی بھرپور طریقے سے منانے کے لیے انتہائی پرعزم ہے اور قومی جوش و جذبے کے ساتھ آج جشن آزادی منایا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔