پریشرمیں کمی سوئی سدرن نے گیس لوڈ شیڈنگ کا شیڈول جاری کردیا

سی این جی اسٹیشنوں کو3 ،5 اور7ستمبرکو24گھنٹے گیس سپلائی بندرہے گی،صنعتی وپاورسیکٹرکواتوارکوگیس نہیں ملی فوٹو: فائل

---

سوئی سدرن گیس کمپنی نے آئندہ ہفتہ سندھ میں سی این جی اسٹیشنوں کو گیس کی بندش کا شیڈول جاری کردیا۔

سوئی سدرن گیس کمپنی کے ترجمان نے جاری اعلامیے میں کہا ہے کہ سندھ بھر میں تمام سی این جی اسٹیشنوں کو3 ستمبر پیر ، 5 ستمبر بدھ اور7 ستمبر جمعہ صبح 8 بجے سے آئندہ 24 گھنٹے کے لیے گیس سپلائی بند رہے گی، صنعتی اور پاور سیکٹر کو 2 ستمبر اتوار صبح 8 بجے سے آئندہ 24 گھنٹے کے لیے گیس سپلائی معطل رہی ۔

واضح رہے کہ گزشتہ کئی روز سے سوئی سدرن گیس کمپنی کے گیس پریشر میں کمی آنے اور گھریلو صارفین کی گیس کی طلب بڑھنے کے باعث یکم ستمبر کو بھی سندھ بھر کے سی این جی اسٹیشنوں کو گیس کی فراہمی بند رہی تھی۔