بھارتی وزیر کو سونالی بیندرے کی موت کی جھوٹی خبر دینا مہنگا پڑگیا

سونالی بیندرے کو ہائی گریڈ کینسر ہے اور وہ امریکا سے علاج کی غرض سے مقیم ہیں فوٹو:فائل

---

بھارتی وزیر رام کدم کو نامور بالی ووڈ اداکارہ سونالی بیندرے کی موت کی جھوٹی خبر دینا مہنگا پڑگیا۔

بھارتی لوک سبھا کے ممبر اور بھارتی جنتا پارٹی کے رکن رام کدم نے چند روز قبل ٹوئٹ کرتے ہوئے کہا تھا کہ ''ہندی اور مراٹھی سینما پر حکومت کرنے والی بھارت کی نامور اداکارہ سونالی بیندرے اب ہم میں نہیں رہیں۔''

بھارتی وزیر نے یہ ٹوئٹ بغیر کسی تحقیق کے کی تھی ان کی ٹوئٹ نے پورے بھارتی میڈیا میں ہلچل مچادی تھی تاہم جلد ہی اس خبر کے جھوٹی ہونے کی تصدیق ہوگئی۔

سوشل میڈیا صارفین کی جانب سے بھارتی وزیر کو جھوٹی خبر دینے پر شدید تنقید کا نشانہ بنایا گیا جس کے بعد انہوں نے ٹوئٹ ڈیلیٹ کرتے ہوئے ایک اورٹوئٹ کی اورمعذرت خواہانہ انداز میں لکھا''میں نے سونالی بیندرے سے متعلق ٹوئٹ ایک افواہ پر کی تھی، گزشتہ دو دنوں سے میں ان کی اچھی صحت اورجلد صحتیابی کی دعا کررہاہوں۔''

About Sonali Bendre ji It was rumour . Since last two days .. I pray to God for her good health & speedy recovery

— Ram Kadam (@ramkadam) September 7, 2018

دوسری جانب سونالی بیندرے کے شوہر کا کہنا ہے میں تمام لوگوں سے اپیل کرتا ہوں کہ سوشل میڈیا کو زیادہ ذمہ دارانہ طریقے سے استعمال کریں۔ ہمیں نہ تو افواہ پھیلانی چاہئیے اور نہ ہی ان پر یقین کرنا چاہئیے اور جو اس طرح کی افواہیں پھیلاتے ہیں وہ دوسروں کے جذباتوں کو ٹھیس پہنچاتے ہیں۔

I appeal to all to please use social media more responsibly. Let us not believe in rumours and spread them, unnecessarily hurting the sentiments of those involved. Thank you.

— goldie behl (@GOLDIEBEHL) September 8, 2018