اداکارہ میرا کا ڈیم فنڈ میں 25 ہزار روپے دینے کا اعلان

تبدیلی آچکی ہے، 5 سالوں میں پاکستان مزید تبدیل ہوجائے گا، اداکارہ میرا فوٹوفائل

---

PESHAWAR/ KARACHI: اداکارہ میرا نے ڈیم فنڈ میں 25 ہزار روپے دینے کا اعلان کیا ہے۔

اداکارہ میرا نے کراچی میں نجی اسپیشل چلڈرن اسکول کادورہ کیا جہاں وہ بچوں میں گھل مل گئیں، اس موقع پر انہوں نے دیامر بھاشا ڈیم فنڈ میں 25 ہزار روپے دینے کا بھی اعلان کیا۔

اسپیشل چلڈرن اسکول کے دورے کے دوران اداکارہ میرا نے کہا کہ اسپیشل بچوں سے مل کر ایسا لگا جیسے انہیں پرائیڈ آف پرفارمنس مل گیا ہو۔ میرا نے اسپیشل بچوں کی تعلیم کے لیے ٹرسٹ کے کام کو بھی سراہا۔ انہوں نے نا صرف ڈیم فنڈ میں پچیس ہزار اور خدمات انجام دینے کا اعلان کیا بلکہ دوسروں کو بھی اس کام میں حصہ لینے کی تلقین کی۔

اداکارہ میرا نے نئی حکومت کی تعریف کرتے ہوئے کہا کہ تبدیلی آچکی ہے، 5 سال میں پاکستان مزید تبدیل ہوجائے گا۔

We have to treat all kids equally. We need to all work together to shun the special treatment rich kids receive. #EqualityForAllKids pic.twitter.com/iVNqbHQzMF

— Meera (@TheMeeraJee) September 10, 2018