دماغ کی سرجری کےدوران گٹاربجانےوالے مریض کی ویڈیونے یوٹيوب پر تہلکامچادیا

آپریشن کے بعد بریڈ کی بیماری پر قابو پالیا گیا ہے اور اب وہ بغیر کسی دشواری کے زندگی گزار سکتا ہے، ڈاکٹرز۔ فوٹو: اے ایف پی

---

امریکا میں دماغ کی سرجری کے دوران گٹار بجانے والے مریض کی ویڈیو نے یوٹيوب پر تہلکا مچادیا ہے۔

امریکی ریاست کیلیفورنیا میں 39 سالہ بریڈ کارٹر کے ہاتھوں کی غیرمعمولی حرکت کوختم کرنے کےلیے ڈاکٹروں نے اس کے دماغ میں ایک پیس میکر نصب کے کا فیصلہ کیا۔ آپریشن کے دوران بریڈ کو بے ہوش کرنے کے بجائے اس کے ہاتھوں کی حرکات کو مانیٹر کرنے کےلیے اسے گٹاربجانے کا کہا گیا، جس پر عمل کرتے ہوئے بریڈ آپریشن کے دوران گٹار بجاتا رہا۔ ڈاکٹروں نے سرجری کو کامیاب قرار دیتے ہوئے بریڈ کو یہ نوید سنائی ہے کہ وہ بھی عام زندگی گزار سکتا ہے۔ بریڈ کی جانب سے اس کے آپریشن کی وڈیو سماجی ویٹ سائٹ پر اپ لوڈ کئے جانے کے بعد لاکھوں لوگ اسے دیکھ چکے ہیں۔