ناصر جمشید کی سزا کیخلاف اپیل پر فیصلہ محفوظ

محمد یوسف انجم  جمعـء 12 اکتوبر 2018
فریقین کے دلائل مکمل،فوٹو: فائل

فریقین کے دلائل مکمل،فوٹو: فائل

 لاہور: پی ایس ایل کرپشن کیس میں کرکٹر ناصر جمشید کی دس سالہ سزاکی اپیل پر فیصلہ محفوظ کرلیا گیا ہے۔

نیشنل کرکٹ اکیڈمی میں پی سی بی کے آزاد ایڈجوڈیکٹر جسٹس ریٹائرڈ حامد فاروق  کے سامنے ناصر جمشید کے وکیل علی رضا کبیر اور تفضل رضوی کی سربراہی میں پی سی بی لیگل ٹیم نے اپنے دلائل مکمل کیے۔

یہ بھی پڑھیں: اسپاٹ فکسنگ کیس؛ ناصر جمشید نے 10سالہ پابندی کے خلاف اپیل کردی

پی سی بی کے اینٹی کرپشن کوڈ کی چھ شقوں کی خلاف ورزی پر ناصر جمشید کو اگست میں دس سال کی سزا سنائی گئی تھی۔ ناصر جمشید کے وکیل کا موقف ہے کہ کرکٹر پر لگاے گئے تمام الزامات میں کوئی صداقت نہیں، ناصر جمشید نے پی ایس ایل میں شرکت کی اور نہ ہی انہوں نے شرجیل خان یا کسی اور کرکٹر سے رابطہ کیا۔

دوسری جانب پی سی بی کے وکیل تفضل رضوی کا کہنا ہے کہ ناصر جمشید اس سارے معاملے کا اہم کردار ہے۔ اس نے کرکٹرز کو ایسا کرنے پر اکسایا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔